Një histori që eksploron pasionin dhe shpirtin e një gruaje. Rexhaj krijon një portret të thellë të një individi që kërkon kuptimin e jetës.

Edith is a powerful exploration of passion, identity, and the quest for meaning. Albatros Rexhaj crafts a deep portrait of a woman navigating her personal journey, struggling to understand her place in a complex world. Through vivid characterization and emotive storytelling, the book invites readers into Edith's internal world, grappling with love, loss, and self-discovery. Rexhaj’s work brings forth universal themes, making it a poignant and insightful narrative on the human experience.

Edith

Ky ditar i drejtohet Lúlus, pjesës më të fisme të njeriut, dhe në të shpaloset një botëkuptim i ndryshëm e i ri, si reagim ndaj kohëve të vështira që po
kalojmë. Duke u nisur gjithnjë nga përjetimi i tij i problematikave apo
situatave të ndryshme, autori i jep zë ndjenjës, duke zgjedhur më të
thjeshtën dhe njëherazi më të vështirën prej udhëve për të komunikuar me
publikun. Në këtë rrafsh krejtësisht personal, ai shkruan për të shpëtuar, për
t’u ndier i lirë, për të mos iu nënshtruar mentalitetit të kopesë, pra për të
mos u asgjësuar. Dhe rrugëdalja është imagjinata krijuese, ajo sjell
rezistencën brenda botëve të krijuara e të vërteta. Rezistenca shprehet me
kthimin e urrejtjes në dashuri, vërtetësinë e ndjenjave dhe të mendimeve në
një epokë hipokrizie, mosshkëputjen nga konteksti social, modestinë dhe
pranimin e vetvetes.
Por kjo letër e gjatë ka edhe një rrafsh shoqëror, në të cilin dallojmë një
analizë thumbuese ndaj elitave të llastuara shqiptare që nuk janë më të afta të
përfaqësojnë popullin, që vuajnë nga një varfëri shpirtërore e fshehur nga
bollëku material, që shfrytëzojnë vendin tonë si të ishte tokë e huaj dhe e
urryer. E këtyre elitave nuk mund t'u kundërvihet populli, i lodhur, i
zhgënjyer, i përthithur në një labirint makabër manipulimi ku asnjëherë nuk
gjendet përgjegjësi, por vetëm pasqyrimi i tij i luhatshëm. E kështu njerëzit
kapërfyten mes tyre në luftën për mbijetesë duke i bërë jehonë pohimit: “...
sot duhet që me patjetër t’i përkasësh dikujt, të jesh pjesë e një grupi apo klani, ndryshe
rrezikon të dështosh...”. Ja tek ke konfirmimin e pastër se kritikat që të janë
dukur të parapërgatitura, i paska ndier të tilla edhe dikush tjetër; kurthet
qëllimshëm stisur, ia kanë stisur edhe dikujt tjetër; pafuqia për të bëzajtur,
paska kapluar edhe dikë tjetër; trysnia gati e papërballueshme nuk qenka një
trill i mendjes sate, si nuk është trill i mendjes së dikujt tjetër: është shtypëse!
Po zgjidhja? Zgjidhja nuk është e re, por e vetmja e mundshme sipas autorit:
refuzo ta luash këtë lojë, dil nga ky rreth, rebelohu! Vendose dashurinë në
qendër të jetës tënde dhe mbarte atë kudo, në çdo tavolinë, në çdo bisedë,
në çdo takim. “... dashuria është e vetmja forcë që ka fuqi të na kujtojë se kush jemi
dhe kujt i takojmë”.

Rebelimi I Lulus

Ky libër është manifestimi më thelbësor i filozofisë urbane të autorit Albatros Rexhaj. Rrëfimtari ynë, një shkrimtar, takon dashurinë e jetës së tij dhe nuk shkruan më. Ajo e plotëson dhe ai nuk ndien më nevojë të shkruajë. Këta dy shpirtra binjakë, të kapur dorë për dore, përballen me paragjykimet dhe tabutë shqiptare. Bisedat e tyre ngrenë një sërë dilemash dhe pyetjesh të rëndësishme: mbi pozitën e femrës në shoqërinë shqiptare, mbi pseudovlerat morale të ngritura në piedestale, mbi hipokrizinë e turmës dhe lojërat pushtetare të kudogjendura. Lajtmotivi kryesor i këtij bashkëbisedimi është feminizmi. Shpesh flitet për feminizëm në Shqipëri, po sa afër realitetit janë këto debate publike, kur nëpër shtëpitë e shqiptarëve, gratë janë ende, jo vetëm të pabarabarta, por të nënshtruara, fizikisht dhe psikologjikisht? Dhe kush është përgjegjës për këtë? Vetëm meshkujt, apo mos ndoshta edhe femrat vetë, nënat tona, kanë një pjesë të madhe përgjegjësie? Pse një femër që e jeton lirshëm seksualitetin e saj damkoset si e përdalë, ndërsa një mashkull që bën të njëjtën gjë admirohet?
Dy heronjtë tanë flasin edhe për lodhjen që ndiejnë kur luftojnë për ta ndryshuar botën e tyre, tek hasen me heshtjen gjykuese dhe moralizuese, që i përjashton dhe i bën të ndihen të vetmuar. Kjo është beteja e shumë të tjerëve dhe përfundimi i trishtë i kësaj historie tingëllon si një kambanë alarmi.

“Rrëfimi i Albatros Rexhajt thyen tabutë, zgjeron kufijtë e lirisë, ofron befasi, provokon shije e koncepte, hap shtigje drejt të panjohurës dhe, mbi të gjitha, nxit përsiatjet për jetën.” 
Agim Vinca (shkrimtar, kritik dhe studiues i letërsisë).

Zonja Z

Një armë e shkatërrimit në masë ka nisur rrugëtimin drejt Beogradit. Nëse bomba shpërthen, kjo do të shënojë fillimin e Luftës së Tretë Botërore.“Bombë në Beograd” është një rrëfim i zhanrit thriller, i shkruar në stilin e prozës filmike, plot aksion, ankth dhe intriga. Në sfond të të gjithë kësaj është dashuria në mes dy heronjve kryesorë. Një dashuri e pamundur, e përshkruar me shumë ndjenja dhe pak fjalë.

Lista e librave të autorit Albatros Rexhaj

Edith

Rebelimi I Lulus

Zonja Z

Bombe Ne Beograd

Edith

Rebelimi I Lulus

Zonja Z

Bombe Ne Beograd