Gjithçka në Gjithësi, bota e gjallë dhe ajo e sendët, është ndërtuar me nisje nga thërmijëza elementare të ndërthurura në një mënyrë apo një tjetër. Dukuritë natyrore që lindin e zhvillohen diku, në sajë të kushteve të veçanta të krijuara, mund të zhvillohen fare mirë edhe diku gjetiu, në rast se edhe aty krijohen të njëjtat kushte... gjithë bota tokësore (e gjallë dhe jo e gjallë) lundron bashkë me Tokën mes detrave» e «oqeaneve» kozmikë të Galak tikës, madje bashkë me Galaktikën lundron edhe më tutje, mes Gjithësisë së pafundme. Njeriu, pra, është një udhëtar i përjetshëm kozmik me një anije kozmike natyrore të quajtur Tokë.

Me Kometen 2283-ii

Bota shpirtërore jeton sipas ligjeve të veta, vazhdon të jetojë edhe kur rreken ta ndrydhin, ta heshtin. Ajo ka forcë të pashueshme për t'iu kundërvënë kufizimeve, përpjekjeve për t'ia ndalur, zhven dosur apo tjetërsuar, qoftë edhe përkohësisht, flakët që natyrshëm lindin vetëm te ajo.

E Panjohura E Madhe

Megjithese më është dashur të udhetoj dhe edhe të qendroj për periudha të ndryshme kohe në pika të caktuara të sistemit tonë diellor, sa herë kam marrë rrugen e kthimit, sa herë kam parë Tokën mes detit kozmik ashtu të mbeshtjellë nga një vel i kalter, sa herë e kam parë të vijë duke u zmadhuar drejt meje dhe gradualisht duke më treguar më qartë e me qartë tiparet e saj të patjetersueshme, gjithmonë më ka pushtuar të tërin një ndjenjë krejt e veçantë ngazëllimi, një ndjenjë e ngrohtë si në udhetimin e parë. ... në fund të fundit, ç’është mosha?! ... Ka jetuar shumë ai që e ka jetën të mbushur me ngjarje, me përpjekje në të mire të dijes, të njerëzimit, të vetë jetes dhe ka jetuar pak ai që, pavaresisht nga numri ndoshta i madh i viteve të jetuara, s’ka lënë pas asgjë me vlerë për t'u kujtuar, ka pasur vite boshe,...

Drejt Epsilonit Te Eridanit

Romani "Duke shpresuar për një ditë të mirë" tregon çiltërsisht, me thjeshtësinë e të vërtetës jetën e një të riu të ndershëm, me botë të pasur shpirtërore dhe përgatitje të lartë, i cili kërkon të bëhet dikush (dhe, me të drejtë, meriton të lihet, madje të mbështetet për të ndjekur rrugën drejt synimit të vet), por e Keqja rreket ta pengojë. Heroi i romanit është një njeri me karakter të pastër e të fortë, është i guximshëm e i drejtë. Ai përpiqet të mos epet, rreket të përballet me të Keqen, të luftojë me të, të ngadhënjejë mbi të, por e Keqja fshihet, vepron duke vënë në lëvizje mjete tinëzare, përdor shpifje dhe bën të duket e plotfuqishme.  Është dashuria ajo që nuk i lë të vyshken ëndrrat e heroit të romanit, është dashuria ajo që i ushqen atij besimin tek e Mira, është dashuria ajo që e qetëson, e çlodh, i jep forcë për të gjallëruar brenda vetes shpresën për një ditë të mirë...

Lista e librave të autorit Arion Hysenbegas

Me Kometen 2283-ii

E Panjohura E Madhe

Drejt Epsilonit Te Eridanit

Duke Shpresuar Per Nje Dite Te Mire

Tregime Te Harruara Ne Nje Qoshe Te Fshehte

Me Kometen 2283-ii

E Panjohura E Madhe

Drejt Epsilonit Te Eridanit

Duke Shpresuar Per Nje Dite Te Mire

Tregime Te Harruara Ne Nje Qoshe Te Fshehte