Gjithçka në fakt është komunikim. Njerëzit nuk janë në fillim si të tillë dhe pastaj të nisin të komunikojnë; ne jemi si na ndërton në çdo çast komunikimi me të tjerët.

'Komunikimi ne shoqerine masive' by Artan Fuga is a sociological exploration of mass communication. The book examines how media and communication technologies influence society, shaping public opinion and individual behaviors in contemporary culture.

Komunikimi ne shoqerine masive

Ky libër analizon këtë aspekt të formimit psikologjik të individit që kërkon të rrënjosë propaganda, edukata, shkolla dhe kultura paternaliste. Pse qytetari i rritur sillet politikisht si fëmijë?

The Childish Man by Artan Fuga explores the psychological and societal impacts of immaturity and regression in adults. The book reflects on human development and the psychological challenges faced by individuals who never fully mature, offering a critical view of modern society.

Njeriu femije

Akademik Artan Fuga vjen me nje tjeter liber te ri studimor para lexuesit, duke bere nje sprove te natyres eseistike mbi erosin dhe te bukuren absolute.

'The Discovery of Eros in Antiquity' by Artan Fuga explores the historical and cultural dimensions of love and desire in ancient civilizations. This insightful book delves into the representation and significance of Eros in classical Greek and Roman thought, revealing the intricate relationship between human emotions and mythology.

Zbulimi i Erosit ne Antikitet

Përdorim rrjetet sociale, por a dimë të komunikojmë profesionalisht me anë të tyre?Përse teknologjitë e reja të informacion-komunikimit shtojnë mitologjitë urbane?A është media masive e rrezikuar rëndë nga Interneti?Përse mediat nuk i korrigjojnë dot institucionet e këqija?Përse gazetaria nuk duhet ta shtrojë pyetjen Pse?Kush i kthen audiencat në opinion publik, dhe opinionin publik në turmë?A ka demokraci pa publik të informuar saktë?A do të ketë më televizione shqiptare?Si po e zëvendëson ekrani i telefonit smart ekranin e televizorit?Kush po e pengon Shqipërinë të dixhitalizohet?Përse gazetaria qytetare nuk është gazetari?A kanë një shans të mbijetojnë gazetat në letër? Si?Si po e shkatërron rendja pas audiencave cilësinë e përmbajtjeve televizive?Si do të komunikojë njeriu në shekullin XXI?

MEDIAMORFOZE DHE METAKOMUNIKIM

Në këtë libër, autori trajton me përparësi përgjigje rreth pyetjeve si më poshtë: Si e ndikoi i ashtuquajturi “Ligji për Tokën", numër 7501, ekonominë shqiptare në vitet '90 dhe në vazhdim dhe çfarë pasojash negative pati ai mbi prodhimin e ekonomisë vendase? Emigrimi brenda dhe jashtë vendit i masave të gjera të popullsisë e pasuron apo e ka varfëruar shoqërinë shqiptare? "Ekonomia e përmbysur" në zonat e mëdha urbane është bërë modeli ekonomiki tyre. Përse ajo prodhon varfëri urbane, papunësi, rritje taksash lokale dhe boshatisje demografike të territorit? Përse Republika jonë i politizon të gjitha instancat shtetërore dhe nuk siguron dot ndarjen e pushteteve si atribut dhe kusht për një shtet ligjor? Përse nga ndarja e pronës dhe e pasurive të kohës socialiste qytetari doli me duart bosh dhe pasuria u grumbullua vetëm në disa duar të lidhura me pushtetet e kohës? Cilat janë nëngrupet shoqërore që i japin tiparet shoqërisë periferike? Përse ra shqiptari në kurthin e “shoqërive financiare piramidale" si një kapitalizëm financiar utopik dhe kaotik? Si e humbi Shqipëria koherencën dhe unitetin ekonomik dhe shoqëror të territorit të saj? Përse përpjekja për demokratizim dhe emancipim shoqëror u shoqërua me një varfërim dhe prapambetje teknologjike dhe në strukturat e prodhimit material? Si e humbi Shqipëria "trenin" e integrimit në Bashkimin Europian?

Shoqeria Periferike

Autori vjen me një punë studimore prej më shumë se dy dekadash lidhur me këtë temë. Ai na rrëfen në një këndvështrim shkencor atë që ka ndodhur në Shqipëri që pas rënies së shoqërisë totalitare në vitin 1990 e deri më sot.  Botimi përbëhet nga dy vëllime të veçuar, të vendosur në një pako të përbashkët, i pari është “Shoqëria Periferike”, i dyti është “Shoqëria Piramidale” që sipas autorit përfaqësojnë dy epokat e historisë së këtyre tri dekadave ku e para ka përgatitur të dytën. 
Botimi u drejtohet një lexuesi të gjerë, studentëve në shkencat sociale dhe humane, të rinjve që duan të njohin rrugët e thepisura, shpesh herë honet nga po kalon shoqëria shqiptare deri sa kemi mbërritur këtu, gazetarëve për të njohur rrënjët në të sotmen e të shkuarën të aktualitetit, elektoratit të gjerë për një kuptim sa më të qartë të politikave të ndjekura, brezave që ishin veprues në këtë kohë prej tri dekadash dhe që duan të shohin gjurmët që kanë lënë në histori, të gjithë atyre që dëshirojnë të kenë një pamje tërësore të politikës, ekonomisë, drejtësisë, shtetit, institucioneve shqiptare nga fundi i shekullit të kaluar deri në ditët tona ! 

Autori: Ndryshimet shoqërore të analizuara këtu e kanë transformuar vendin në dekadat e fundit. Ato përbëjnë realitetin  socio-politik dhe  ekonomik  në  të  cilin jeton shqiptari sot.
Mirëpo, breza e ardhshëm  do të jenë larg të përjetuarit  të këtyre rrethanave të sotme  si aktorë dhe spektatorë të kohës sonë. Shpresohet natyrshëm  që ata të duan të dinë se nga çfarë horizonti është  nisur shoqëria ku do të jetojnë në atë mot.
Nëse do të jenë duke jetuar në një shoqëri më të zhvilluar, do të duan të dinë: çfarë kanë përballuar, çfarë gabimesh  kanë bërë, çfarë kanë ndërmarrë  prindërit ose gjyshërit e tyre, që i hapën udhë një Shqipërie tjetër.
Përkundrazi, nëse  do të jetojnë  në një shoqëri  në krizë dhe  në rrënim, sikurse nuk e urojmë, atëherë do të shohin këtu dëshminë e gabimeve që paraardhësit e tyre kanë bërë dhe do të duan, jo vetëm t’i korrigjojnë, por, mbi të gjitha, të mos i përsërisin ato
Ky është detyrimi që kam ndjerë për ta! Vetëm ata do ta dinë nëse e kam plotësuar ose jo!

Origjinat E Pushtetit, Prones, Pasurise

"Njerëzit vdesin të premten" janë një tufë tregimesh ku dramatikja dhe komikja, ndërthurur në një estetikë të absurdes, duan të ushqejnë njëra – tjetrën. Kontrolli i vdekjeve nga ana e njeriut është pika e fundit ku gjenia krijuese e tij kujton se kap apogjeun e vet. Njeriu i merr fronin Perëndisë. Rob i këtij iluzioni, ai çon në skajet më të largëta narcizmin e vet. 
Bota që ai percepton nuk është veçse vetja e vet e projektuar atje. Vetja e njeriut venitet, për t'u shfaqur përpara shqisave të tij si peizash, natyrë, aroma, tinguj shpesh të madhërishëm. Njeriu nuk del dot jashtë vetes.

Adhuron veten e tij duke u habitur përpara simetrive, rregullsive, ligjësive, të cilat në fakt nuk janë veçse produkte të logjikës së tij. Nuk e mendon dot kaosin. Prandaj kaosi shpërthen gjithandej si forcë e errët e pavlerësuar.

Midis riprodhimit të tij si vete, dhe njohjes së vetes së tij si natyrë, si mjedis rrethues shoqëror, pra si tjetër, njeriu lëkundet midis narcizmit dhe një strabizmi që ia dyzon të gjitha pamjet që ai vështron. Nuk sheh qartë.

Lind drama e madhe që e zbret njeriun nga iluzioni narcist i vetëhyjnizimit, duke e flakur në një jetë ku mplekset dëshira për të jetuar madhërishëm me përjetime mbushur me dhimbje, zhgënjime, gënjeshtra, mjerim. Njeriu – perëndi është njëherësh dhe një njeri i vockël.

Të kapur brenda kësaj dare lëvizin edhe personazhet e këtyre tregimeve, duke prodhuar ngjarje të papritura, të pambaruara, si copëza fotografish që pasi janë grisur nga një dorë inatçore, shpërndahen gjithandej në asfalt, përzierë nga një vrundull ere që vjen nga kurrkund.

Njerezit Vdesin Te Premten

Ky libër paraqet përgjigjet e autorit për një sërë çështjesh themelore që i interesojnë një publiku të gjerë: 
-	A ka drejtim të përcaktuar evoluimi i shoqërisë shqip- tare? Ku është duke shkuar ajo? Ku po shkojmë ne?

-	Çfarë  gjëje  e  përbashkët  ka  ndodhur   në  shtet, ekonomi,  territor, urbanizëm,  parti politike, marrë- dhënie ndërkombëtare që na bën të ndjejmë se një forcë e padukshme na drejton, keqtrajton,  fyen, na shtyp me peshën e vet?

-	Nëse do t’u përmbahemi përcaktimeve të Aristotelit, shoqëria shqiptare  sot është më shumë demokraci, tirani apo oligarki?

-	Pse  shoqëria   shqiptare   e  shekullit  XXI  është   në transformim nga modeli i shoqërisë periferike në atë piramidale? Kur ndodhi saktësisht ky transformim?

-	A është  shoqëria  e sotme  piramidale  një përgjigje ndaj  problemeve  dhe  krizave  që  krijoi shoqëria periferike e viteve ‘90?

-	Kush  e  bëri  kalimin  nga  shoqëria   periferike  në shoqërinë  piramidale? Partitë politike kundërshtare kanë  bashkëpunuar apo  janë  përplasur  për  këtë çështje?

-	Përse   qytetari   është    i  lodhur   politikisht   dhe qeverisjen  e kanë  marrë  në  dorë  pakicat  e mirë- organizuara?

-	   Përse   partnerët   ndërkombëtarë   të   Shqipërisë, demokracitë  e Perëndimit, e kanë mbështetur krijimin e shoqërisë piramidale?

Shoqeria Piramidale

Monolog  Mediat Dhe Propaganda Totalitare

Dritarja e trenit është media kritike. Kjo përcaktohet nga fakti se hekurudhat shpesh kalojnë në vende që nuk mund të thuhet se janë vitrinat e krahinave apo qyteteve që anashkalohen. Si të thuash, treni kalon nga pjesa e pasme e zonave urbane apo rurale, pranë magazinave, rrugëve dytësore, rrethinave periferike të qyteteve, ku praktikisht pret të shohësh karvane romësh pa vendbanim të caktuar, kanalizime të ndotura, togje plehrash urbane, lloj – lloj magazinash të çrregullta, baraka ku hyjnë dhe dalin fëmijë të pistë, ferra, vija të thara uji, gjithçka pra që i vjen radha në fund për t’u rregulluar dhe, tamam si ato depot e shtëpive, mbushen me gjithfarë rrangullash të vjetra që zbrazin dhe lehtësojnë nga orenditë e tepërta dhe të vjetra dhomat e zbukuruara tashmë, ku priten mysafirët: aeroportet, hotelet, taksitë, metropolet. 
Kurse dritarja e avionit, taksisë, hotelit metropolitan është media servile. Nuk e di përse përherë kam menduar se udhëtimi me avion, sado i shpejtë dhe i rehatshëm të jetë, krijon një efekt mashtrues të jashtëzakonshëm. I kalon vendet sipër një mjegulle resh që si bomajë gjigande nivelon thepat e tokës, mbulon gjithçka me një napë të bardhë gjtihëfshehëse, sheh relievet nga lart, nga larg, pozicion që përbën edhe këndin më të përshtatshëm për të pasur një imagjinatë gabuese, altruiste, mbi botën.

Hapësirat e aeroporteve, taksive, hoteleve metropolinate duken si perde e kadifejtë që mbulon një univers real, nuk dihet më të mirë a më të keq nga sa duket, por gjithsesi, të ndryshëm nga ai që vëzhgohet. Ashtu sikurse bornaja mjegullore e reve të para nga lart prej dritares së avionit, ato janë kudo njësoj. Të duket sikur udhëton nga asgjëkundi për në asgjëkund.

Renia E Qytetit

Shoqëria paskomuniste nisi e zhurmshme. Në të vërtetë, lind Tjetri si objekt i parrezikshëm për të dialoguar. Kërkohet deri në vuajtje Tjetri si dëgjues. Media bëhet qendra e shoqërisë. Të shprehurit lirshëm herë-herë mbetet si qëllim në vetvete. Fillon të përhapet edhe një lloj llafazanërie e nderuar. Lind e folura pa veprim.

Media, Politika, Shoqeria

Dy grabitje të bujshme kanë ndodhur. Njëra në kohën tonë, në një apartament buzë detit në Durrës, ku janë vjedhur mijëra euro; tjetra, përpara disa shekujsh, në katedralen e një qyteze mesjetare, dy piktura krejt të veçanta për nga estetika dhe mesazhi i tyre janë zhdukur pa lënë gjurmë. Çfarë lidhje kanë këto dy grabitje me njëra-tjetrën? Dy njerëz hetojnë për të zbuluar grabitësit: Etnologu Tristan Bardhi, një intelektual bashkëkohor, dhe murgu mesjetar Martin de Chassagne. Përgjatë hetimeve, duke kapërcyer ndarjet shekullore në kohë, ata zbulojnë njëri-tjetrin, përballen me enigma, të papritura, edhe hedhin dritë, secili në kohën e vet, mbi epokat ku kanë jetuar, mbi paranë, pushtetin, pavdeksinë e shpirtit, seksin, historinë dhe gjithçka që e bën njeriun të mendohet kur kërkon kuptimin e jetës së tij. Nëpërmjet një rrëfimi sa filozofik aq dhe historik, libri i rimerr këto tema për t’ia paraqitur lexuesit nëpërmjet dramave dhe sfidave të personazheve të tij.

Lista e librave të autorit Artan Fuga

Komunikimi ne shoqerine masive

Njeriu femije

Zbulimi i Erosit ne Antikitet

MEDIAMORFOZE DHE METAKOMUNIKIM

Shoqeria Periferike

Origjinat E Pushtetit, Prones, Pasurise

Njerezit Vdesin Te Premten

Shoqeria Piramidale

Monolog Mediat Dhe Propaganda Totalitare

Renia E Qytetit

Media, Politika, Shoqeria

Murgu

Komunikimi ne shoqerine masive

Njeriu femije

Zbulimi i Erosit ne Antikitet

MEDIAMORFOZE DHE METAKOMUNIKIM

Shoqeria Periferike

Origjinat E Pushtetit, Prones, Pasurise

Njerezit Vdesin Te Premten

Shoqeria Piramidale

Monolog Mediat Dhe Propaganda Totalitare

Renia E Qytetit

Media, Politika, Shoqeria

Murgu