Gjatë kohës që është me shërbim në Paris, simbolistit të diplomuar në Harvard, Robert Langdon, i bëjnë një telefonatë urgjente në orët e vona të natës. Brenda në muze kanë vrarë restauruesin e moshuar të Luvrit. Pranë trupit të tij është gjetur një kod i habitshëm.

'The Da Vinci Code' is a gripping thriller that weaves together art, history, and religion in a fast-paced narrative. Robert Langdon, a Harvard symbologist, is drawn into a puzzle involving secret societies, religious conspiracy, and a hidden truth about the history of Christianity. The novel explores themes of faith, knowledge, and the tension between science and religion, all set against a backdrop of iconic landmarks and ancient mysteries.

Kodi i Da Vincit

ROBERT LANGDON, profesor i simbologjisë dhe i ikonologjisë në Harvard, mbërrin në muzeun ultramodern Gugenhajm të Bilbaos për të qëne i pranishëm në një njoftim madhor- paraqitjen e një zbulimi që "do të ndryshojë përgjithmonë fytyren e shkencës". Prezantuesi i mbrëmjes është Edmond Kirsh, një miliarder dhe futurist dyzetvjeçar, të cilin, zbulimet mahnitese në teknologjinë e lartë dhe parashikimet e guximshme e kanë bërë një figurë të famshme globale. Kirsh, që kishte qënë një nga studentët e parë të Langdonit në Harvard para dy dhjetevjeçarësh po bëhet gati të shpallë një zbulim të madh të habitshëm një zbulim që do t'u jape përgjigje dy prej pyetjeve fundamental të ekzistencës njerëzore. Sa fillon veprimtaria, Langdoni dhe disa qindra të ftuar të tjerë mbeten të magjepsur nga një prezantim krejtësisht origjinal që Langdoni e kupton se do të jetë shumë më i debatueshëm nga sa e kishte përfytyruar më parë. Por mbrëmja e organizuar përsosurisht papritmas shndërrohet në kaos, dhe zbulimi i çmuar i Kirshit rrezikon të humbasë përgjithmonë. I trullosur dhe i ndodhur përballë një kërcënimi të pashmangshëm, Langdoni detyrohet të bëjë një orvatje të dëshpëruar për t'u larguar nga Bilbao. Me të është Ambra Vidal, drejtoresha elegante e muzeut, që kishte punuar me Kirshin për të organizuar veprimtarinë provokuese. Së bashku ikin me ngut në Barcelonë në një kërkim të rrezikshëm për të gjetur vendndodhjen e fjalëkalimit kriptik, që do ta zbulojë sekretin e Kirshit. Duke lëvizur në korridoret e historisë së fshehtë dhe të fesë ekstreme, Langdoni dhe Vidali duhet t'i shmangen një armiku të pamëshirshëm, fuqia e gjithëdijshme e të cilit duket se buron nga vetë Pallati Mbretëror i Spanjes... dhe i cili nuk do të ndalet para asgjëje për t'ia mbyllur gojën Edmond Kirshit. Duke ndjekur një gjurmë të ndriçuar nga arti modern dhe simbolet enigmatike, Langdoni dhe Vidali zbulojnë të dhëna që më në fund i çojnë ballë për ballë me zbulimin tronditës të Kirshit... dhe të vërtetën befasuese që nuk e kemi rrokur prej kohësh. "Origjina" është jashtëzakonisht krijues - romani me i shkëlqyer dhe më zbavitës i Dan Brown-it deri më sot.

Origjina

“Diabolus” u frymëzua nga prania e papritur e agjentëve të FBI-së në kampusin e Exeter-it, për shkak të një kërcënimi të njoftuar nga NSA-ja – dy studentë kishin përhapur gjithandej një e-mail duke thënë se Bill Klintoni ishte një gënjeshtar dhe duhej vrarë. Përpara se të shkruante bestseller-in prej multimiliona kopjesh të shitura rrëmbimthi, “Kodin e Da Vinçit”, Dan Brown-i filloi kërkimin e tij me mprehtësi prej bisturie dhe derdhi aftësi prej rrëfimtari mbi organizatën më të fuqishme të inteligjencës në tokë: Organizatën Kombëtare të Sigurisë (NSA), një agjenci ultra-sekrete me buxhete miliarda dollarësh dhe shumë herë më e fuqishme se CIA. Kur makina e fuqishme e NSA-së për zbërthimin e kodeve hasi në një kod misterioz që nuk e zbërthente dot, agjencia thirri kryekriptografen e saj, Sjuzen Fleçer, një matematiciene bukuroshe dhe brilante. Ajo çka zbuloi përcolli valë tronditëse nëpër korridoret e pushtetit. NSA-ja po mbahej peng… jo me armë apo bomba, por nga një kod kompleks gjenial që, nëse zbatohej, do të gjymtonte inteligjencën e SHBA-ve. Që nga korridoret e nëndheshme të pushtetit, deri te qiellgërvishtësit e Tokios e te katedralet me kulla të Spanjës, shpërthen një garë e dëshpëruar. Është një luftë për jetë a vdekje – një betejë e jashtëzakonshme për të shkatërruar një gjeni të paarritshëm… një formulë e pazbërthyeshme për shkrimin e kodeve, që kërcënon të fshijë ekuilibrin e pushteteve të pas Luftës së Ftohtë. Një herë e përgjithmonë. “Dan Brown duhet të jetë një nga shkrimtarët më të mirë, më të zgjuar dhe më të plotësuar të SHBA-ve.” – Nelson DeMille. “Emocionuese… do t’i gozhdojë lexuesit e prirur nga kibernetika.” – Booklist.

Diabolus

Përpara se të shpërthente te “Kodi i Da Vinçit”, simbologjisti me famë botërore i Harvardit, Robert Langdoni, thirret nga një institut zviceran kërkimesh shkencore për të transkriptuar një simbol të lashtë, damkosur në gjoksin e një fizikani të vrarë. Ajo çka ai zbulon, i kalon kufijtë e imagjinatës: një hakmarrje vrastare kundër Kishës Katolike, e kryer nga një sekt qindraveçar – Të Përndriturit. I prirur dëshpërisht për të shpëtuar Vatikanin nga një armë e fuqishme shkatërrimi në masë, Langdoni bashkëpunon në Romë me një shkencëtare të bukur e misterioze, Viktoria Vetrën. Të dy së bashku, ata përfshihen nga një ngut i ankthshëm në një gjueti kriptasht të damkosura, varresh misterioze, katedralesh të braktisura dhe kupolash, që fshehin sekretet e botës… dhe rrugën e harruar prej kohësh tashmë: atë të Të Përndriturve.

Engjej Dhe Djaj

Kur një satelit i ri i NASA-s dallon shenja të një objekti të rrallë e të mahnitshëm, të groposur thellë në akullin e Arktikut, agjencia e hapësirës shpall një fitore të shumëdëshiruar,... një fitore që ka pasoja të thella për politikën hapësinore të Shteteve të Bashkuara dhe për zgjedhjet e ardhshme presidenciale. Presidenti, që kërkon të qëndrojë edhe për një mandat tjetër në Zyrën Ovale, dërgon analisten e zbulimit të Shtëpisë së Bardhë, Reiçëll Sekston, në akullnajën Milne për të verifikuar vërtetësinë e zbulimit. E shoqëruar nga një grup ekspertësh, mes të cilëve dhe shkencëtari karizmatik Majkëll Tolland, Reiçëlli zbulon diçka të papërfytyrueshme: dëshmi të një mashtrimi shkencor,... një mashtrim i guximshëm, që mund ta zhysë botën në polemikë. Por, përpara se Reiçëlli të lidhet me Presidentin, ajo dhe Tollandi sulmohen nga një skuadër vrasësish të tmerrshëm, që komandohen nga një person misterioz me shumë pushtet, i cili nuk ndalet përpara asgjëje për të fshehur të vërtetën. Duke rendur për të shpëtuar jetën e tyre në një mjedis sa të shkretë aq edhe vdekjeprurës, shpresa e tyre e vetme për të mbijetuar është të gjejnë se kush qëndron prapa kësaj dredhie mjeshtërore. E vërteta, do të mësojnë ata, është mashtrimi më tronditës.  Në librin “Mashtrimi i madh”, autori Dan Brown e mbart lexuesin nga Zyra ultrasekrete Kombëtare e Zbulimit në akullnajat vigane të Rrethit Arktik dhe e kthen përsëri në sallonet e pushtetit brenda Krahut Perëndimor të Shtëpisë së Bardhë. I përshëndetur nga kritika për një pleksje mjeshtërore të shkencës, historisë e politikës në librat e tij Engjëj e Djaj dhe Kodi i Da Vinçit, Brown ka shkruar një roman në të cilin asgjë nuk është ashtu siç duket dhe ku prapa çdo qosheje gjendet një befasi trullosëse. Mashtrimi i madh është një roman mbi të gjitha emocionues.

Mashtrimi I Madh

"Simboli i humbur" është një rrëfim mjeshtëror, një rendje për jetë a vdekje përmes një labirinti të botës së njëmendtë të kodeve, sekreteve dhe të vërtetave të padukshme, të gjitha nën syrin vëzhgues të kriminelit më të tmerrshëm që Brown-i ka krijuar deri më sot. I vendosur brenda dhomave të fshehta, tuneleve dhe tempujve të Uashingtonit, D.C. "Simboli i humbur" zhvillohet me shpejtësi në një mjedis befasues dhe shkon drejt një përfundimi të papërfytyrueshëm. Rrëfimi nis me simbologun e njohur të Harvardit, Robert Langdonin, i cili merr një ftesë të papritur për të dhënë një leksion në ndërtesën e Kapitolit të Shteteve të Bashkuara. Por, pak minuta pas mbërritjes së tij, nata merr një kthesë të çuditshme. Një objekt shqetësues - i koduar mjeshtërisht me pesë simbole - zbulohet në ndërtesën e Kapitolit. Langdoni e njeh objektin si një ftesë antike, që synon ta çojë marrësin e saj në një botë të urtësisë ezoterike, të humbur kohë më parë. Kur mentori i dashur i Langdonit, Piter Solomoni, një mason e filantrop i mirënjohur, rrëmbehet brutalisht, Langdoni e kupton se e vetmja shpresë për ta shpëtuar atë është ta pranojë ftesën mistike dhe të shkojë kudo që ta shpjerë ajo. Në çast, Langdoni gjendet i zhytur në një botë të fshehtë të sekreteve masone, të historisë së panjohur e të vendeve të papara ndonjëherë dhe të gjitha ato duket se e tërheqin drejt një të vërtete të vetme, të pabesueshme.

Lista e librave të autorit Dan Brown

Kodi i Da Vincit

Origjina

Diabolus

Engjej Dhe Djaj

Mashtrimi I Madh

Simboli I Humbur

Kodi i Da Vincit

Origjina

Diabolus

Engjej Dhe Djaj

Mashtrimi I Madh

Simboli I Humbur