ALBANIA THROUGH ART

“Shqiptarët në art” i botuar në anglisht nga studiuesi Ferid Hudhri.  
Është udhëtim vizual në analet e historisë shqiptare, me një tekst shoqërues që as nuk të lodh (nëse je rishtar në botën e artit apo të historisë), as nuk të mërzit me thjeshtësinë e tepruar (nëse je i fushës). Nuk është kryesisht, them unë, një libër për artin, por një libër për shqiptarët nëpërmjet artit, një libër që vë në dukje rëndësinë e merituar të Shqipërisë në kulturën europiane, ndryshe nga karikaturat për shqiptarët që janë bërë shabllone prej vitesh në disa rrethe.

Them se ky libër është një “muze lëvizës”, por jo si një album që mund të blihet në dyqanin e Muzeut të Luvrit, për shembull, i cili paraqet të gjitha veprat e muzeut në fotografi. Jo aspak, sepse këtu kemi të bëjmë me një “muze” që nuk ka ekzistuar fare, një trashëgimi veprash të shpërndara në gjithë anët e botës, si vetë diaspora shqiptare.

Nga David Hosaflook PhD.

Albanians In Art

Në dritë "Arti i Rilindjes Shqiptare" : Pas 20 vjetësh punë, një histori e plotë për pikturën mes viteve 1883 - 1945. Ferid Hudhri arrin të na dhurojë për
herë të parë një përmbledhje të artit figurativ.

Arti I Rilindjes Shqiptare

Enciklopedia “Shqiptarët në artin botëror”, është një punë që përmbledh me qindra e mijëra imazhe dhe shpjegime të hollësishme të autorëve të ndryshëm të huaj dhe subjekteve të tyre shqiptare, një punë, që mbart veç dashurisë dhe një skrupulozitet të rrallë prej murgu, që në kohën tonë duket të jetë një virtyt i pakundgjendshëm. Enciklopedia sjell një histori të tërë të Shqipërisë përmes imazhit, kuruar kjo me kujdes sipas një metodologjie të qartë dhe njëkohësisht të saktë shkencore. Këto vepra arti janë njëherësh dhe dëshmi historike nga periudha kur ende nuk njihej fotografia dhe për këtë arsye, ato janë njëherazi dëshmi e dorës së parë për të njohur shoqërinë shqiptare në të gjitha përmasat e saj. Vepra e Ferid Hudhrit, “Shqiptarët në artin botëror”, mbart në vetvete karakteristikat më të mira që do të kërkonte një botim enciklopedik, sidomos për historinë e artit shqiptar, ndaj duke qenë kështu një realizim unikal në llojin e saj, meriton të ndiqet si shembull në punët e kësaj natyre në të ardhmen.

Shqiptaret Ne Artin Boteror

Shqipëria në art, paraqitet si një enciklopedi e kujtesës figurative për historinë, kulturën dhe trashëgiminë kombëtare. Përmes statujave, mozaikëve, afreskeve, pikturave, gravurave, litografive, grafikave, akuareleve, të krijuara nga kohët më të hershme deri në ditët tona, njihemi me aspekte nga më të ndryshmet të jetës në trojet e banuara prej shqiptarëve.  Krahas përshkrimit të historisë së lëvizjeve artistike, veprat e artit në këtë libër shoqërohen edhe me të dhëna për autorë të rëndësishëm, si dhe me shënime rreth realizimit të disa prej tablove më të bukura. 
Botimi është i ndarë në tri pjesë: 
Në pjesën e parë jepet një vështrim i shkurtër i historisë së artit shqiptar, nga gjurmët më të hershme deri te krijimtaria e ditëve tona. Është ndarë në kapituj të veçantë, si: Arti ilir dhe ndikimet greko-romake, Diaspora e hershme, Arkitektura, Arti pasbizantin, Arti katolik, Arti islam, Arti popullor, Artistët e huaj, Arti i rilindjes dhe pavarësisë, Arti i realizmit socialist, Artistët e diasporës, Arti në Kosovë dhe treva të tjera shqiptare, Drejtimet e reja bashkëkohore.
Pjesa e dytë titullohet Shqipëria nëpërmjet artistëve të huaj. Këtu janë përmbledhur mbi 180 piktura me temë shqiptare prej autorëve nga disa vende të botës. Shumë nga ato vepra botohen për herë të parë dhe janë rezultat i kërkimeve shumëvjeçare të autorit nëpër galeri, muze, arkiva dhe koleksione të ndryshme brenda dhe jashtë Shqipërisë. Tema shqiptare është pasqyruar në krijimtarinë e disa prej artistëve më të shquar botërorë, si: P. Veronese, C. Corot, E. Delacroix, Rembrand, V. Dyck, L. Gerome, E. Lear, H. Domje, P. Jovanovic etj. Deri tani janë zbuluar mbi 1500 autorë të huaj që kanë trajtuar motive shqiptare. 
Për pjesën e tretë, me titull Shqipëria nëpërmjet artistëve shqiptarë, janë zgjedhur mbi 100 vepra: nga artistët e periudhës së Rilindjes dhe të Pavarësisë, si: K. Idromeno, S. Xega, Marubi, A. Kushi, S. Rrota, V. Mio, A. Buza, Z. Kolombi, nga piktorë të shquar të periudhës së realizmit socialist si dhe nga disa prej autorëve të njohur të ditëve tona. Ato janë vepra që i përshtaten titullit të këtij botimi.

Lista e librave të autorit Ferid Hudhri

ALBANIA THROUGH ART

Albanians In Art

Arti I Rilindjes Shqiptare

Shqiptaret Ne Artin Boteror

Shqiperia Ne Art

ALBANIA THROUGH ART

Albanians In Art

Arti I Rilindjes Shqiptare

Shqiptaret Ne Artin Boteror

Shqiperia Ne Art