Në drejtim të kundërt me plumbin e vdekjes niset një grua si në balada. Lë malet e Zvicrës, mjegullën dhe dritat moderne dhe mbërrin te malet e ashpra të Tropojës tonë. Lufta që bëhet matanë kufirit të dhunshëm, vjen dhe këtej. Gjëmojnë gjëmimet e gjëmës si bombat. Gruaja shkon te një varr i ri. Shtan-get. Luftëtarët përreth qajnë dhe ledhatojnë dheun e varrit mbuluar me flamur. Ishte gruaja e Agimit, dashuria e tij. Ka ardhur të dëgjojë amanetet nga ky gur varri, që të tjerët nuk mund t'i dëgjojnë dot. Armët e Agimit, ditarin e përg-jakur, ja kthejnë asaj. Që të mos pushojë arma e Agimit, ajo ja jep luftëtarëve të tjerë. Pastaj kur të vijë liria t'i çojmë në muze, thotë ajo...

AGIMI I LIRISE 3

Por "Agimi i lirisë" është diçka tjetër nga shprehjet e mësipërme. Është rrëfim mbi ushtarakun, poetin, luftëtarin, nacionalistin; është rrëfim për kohën në të cilën ai ka jetuar bashkë me dhimbjet, sakrificat dhe dashuritë. Për hir të së vërtetës, Agim Ramadani, me të drejtë, pas rënies për kauzën e rëndësishme të Lirisë, u shndërruar me të drejtë në një mit. Kontributet e tij, ia japin këtë të drejtë, pavarësisht se ky Njeri, nuk e ka menduar kurrë një gjë të tillë, nuk ka luftuar kurrë për t'u shndërruar në Mit. Monografia që tash kemi në dorë na jep portretin e Agim Ramadanit në shumë dimensione, ku spikat veçanërisht humanizmi dhe dashuria e tij për njerëzit që e rrethojnë dhe vendin. Pa frikë mund të thuhet se ajo në tërësinë e saj mund të konsiderohet një vepër e plotë monografike, jo vetëm në formën dhe gjerësinë e saj, por edhe në stil. Në pa-mundësi për të qenë deri në fund narratori i jetës së tij. Agim Ramadani vjen nëpërmjet kujtimeve që ka lënë pas te bashkëkohësit, të cilët e përshkruajnë çdo histori dhe detaj me sinqeritet, pa u nisur të glorifikojnë Heroin. Eshtë vet jeta e Agim Ramadanit ajo që ka heroin dhe protagonizmin brenda.

AGIMI I LIRISE 2

Agim Ramadani, emër i shumanshëm, tashmë ka marrë të gjitha atributet për t'u bërë pjesë e faqeve më të reja të realitetit historik të Kosovës. Ky emër flet shumë, më shumë se ç' mund të thuhet e shkruhet për të, meqë ajo biografi e ngjeshur përmes së cilës e arriti shkallën e lartësisë së devotshmërisë, vështir të shfletohet gjer në fund. Prandaj, çdo kronist me entuziazmin e ndriçimit të asaj biografie, do mbetet i lënduar nga pamundësia për ta bërë portretin e Agim Ramadanit në dimensionet reale të veprimtarisë së tij në fushat që i ishte përkushtuar në paqe e në luftë. Agimi ishte i veçantë, andaj edhe përkushtimi shpjegues për portretin e tij do veçanti, për të mos i mbetur borxh kësaj figure e cila që nga ditët më të hershme të fëmijërisë së tij, e kishte të sigurt ecjen përpara, i prirë nga inteligjenca, burrëria e trimëria. Si ndonjë protagonist nga faqet e Antikës, nga skenat ku gjetën vend karakteret kulmore të paraqitjes së dinjitetit njerëzor, Agim Ramadani iu fal kohës në të cilën jetoi, veproi dhe u flijua me vetëdije të plotë se, flijimi, ishte fjala e tij e fundit.

Lista e librave të autorit IBRAHIM KADRIU

AGIMI I LIRISE 3

AGIMI I LIRISE 2

AGIMI I LIRISE 1

AGIMI I LIRISE 3

AGIMI I LIRISE 2

AGIMI I LIRISE 1