Platforma nuk është një ese mbi turizmin seksual. Është një roman i shkëlqyer mbi çështjen e përhershme të marrëdhënieve të komplikuara mes burrave e grave, mbi keqkuptimet e përjetshme, të mohuara një ditë nga një takim autentik, një lloj mrekullie, një revolucion intim. Le Monde des Livres

'Platform' explores the intersection of global tourism, human desire, and the commodification of relationships. Set in the modern world, Houellebecq's work critiques the superficiality of consumer culture and the pursuit of pleasure, while reflecting on the complexities of love and existential isolation.

Platforma

Nderhyrje 2020

Asgjesimi

Një nëpunës francez, i cili ia ka kushtuar karrierën e tij bujqësisë, agrokimisë dhe bioteknologjisë, tashmë është pjesë e ekipit që kujdeset të promovojë djathërat francezë në tregun europian dhe t’i mbrojë ata nga kërcënimi i globalizimit. 
Ai sapo është ndarë nga e dashura, Juzuja, një rioshe japoneze njëzet vjet më e re, dhe po jeton me kujtimet e flirteve dhe dashurive të shkuara, mes të cilave, ndjenja e fuqishme për Kamilën, do ta shtyjë sërish nëpër aventura të reja.

I gjendur në këtë zgrip, ai lë apartamentin e tij dhe nis e endet nëpër hotele luksoze, i qetë se Kaptoriksi, antidepresivi që merr me rekomandimin e një mjeku të çuditshëm, do t’ia shtojë prodhimin e Serotoninës në trup, kësisoj do ta mbajë njeri normal dhe funksional, edhe pse me riskun për t’u privuar nga libidoja dhe kënaqësitë e saj.

“Serotonina”, me magjinë e saj të papërsëritshme, mes ironisë thukëse dhe trishtimit të fshehur pas saj, është një vaj për jetën e vërtetë që po venitet relievit mahnitës të Francës. Houellebecq është zëri i qartë francez, që bën shpjegimin tronditës për Europën sot, por edhe të botës ku po jetojmë.

Si përherë, edhe me këtë vepër, “profeti ogurzi” e parashikoi lëvizjen e “jelekëve të verdhë” disa javë përpara se ajo të shpërthente, siç ka ndodhur deri tani me veprat e tij.


“Mes diktatorëve të heshtjes së kohëve tona, vetëm ca prej tyre ia kanë dalë të bëjnë zhurmë aq zëlartë, sa Michel Houellebecq.”

John Banville.

Serotonina

"A më bën të përjetshëm klonimi?" - kjo pyetje e mundon Danielin, një burrë i palumtur nga jeta dhe dashuria. Pas dy martesave, e para vetëm dashuri, ndërsa e dyta vetëm seks, dhe disa rimishërimeve në klone pasardhës që iarrin me ndihmën e sektit të Elohimitëve, Danieli klon, sikurse qëniet njerëzore nga rrodhi, bëhet i ndërgjegjshëm mbi gravitetin e jetës njerëzore. 
Brezat eardhshëm të klonuar të Danielit origjinal, mes tyre edhe Danieli 24 dhe Danieli 25, rreken të kuptojnë jetën e Danielit të parë, por u mungon sentimenti njerëzor. Kloni ynë jeton ditët e fundit të njerëzimit, shkatërrimin e besimeve fetare dhe civilizimit, ai është një vetmitar që bart sekretin e jetës njerëzore, emocionin.

Për shkak të erotizmit grafik të romanit (për ca mund të quhej madje pornografi), për shkak të dilemave mbi plakjen e qëndrimeve kontraversale personale, që vetë Michel Houellebecq ka manifestuar në jetën e tij, ky roman provokon shumë. Ndaj, kritika botërore e këshillon lexuesin në përgjithësi ta "shpërfillë" autorin e të lexojë këtë roman mahnitës e thellësisht intelektual.

Michel Houellebecq është një nga mendjet me brilante të letërsisë së sotme franceze, shkrimtari më i madh francez pas Kamysë.

Ishulli I Mundshem

Francë, viti 2022. Pra, shtatë vjet pas 7 janarit tronditës të këtij viti, kur sulmi terrorist mbi revistën satirike Charlie Hebdo, ndodhi po ditën e publikimit të "Nështrimit". Libri u shit qysh në orët e para në mënyrë marramendëse, si rrallë ndonjë autor francez deri më sot, dhe vazhdon ende të jetë ndër librat më të shitur e më të përfolur në botë. 
Por tani, atij personazhit vanitoz, të lodhur e të lektisur, që endet dukshëm në veprat e Houellebecq (këtë herë me emrin Fransua, një profesor letërsie në Universitetin e Sorbonës), do t'i duhet të përshtatet me regjimin e ri islamik, i ardhur në pushtet pas zgjedhjeve presidenciale në Francë e që drejtohet tashmë nga Muhamed Ben Abesi, politika e së cilit po nis ta dizenjojë atdheun e tij me një mjedis krejt tjetër – norma, veshje, sjellje, martesë, të drejta, seks, familje, shkollim – nga ai që është mësuar deri tani profesori ynë.

Laicizmi i shtetit dhe i shkollës, tashmë është një kujtim i largët, dhe vetë Fransua, një ateist i thekur dhe një ithtar i seksit të lirë, nuk ka shumë zgjedhje. A do të përshtatet ai me jetën e re? A do të pranojë ai t'i "nënshtrohet" regjimit të ri, të konvertohet në një ritualist mysliman dhe të përfitojë nga koha, si shumë kolegë të tij?

Jeta e thërret për një flirt politik, historik, moral, fetar, ekonomik, seksual e psikologjik. Michel Houellebecq e lë në pezulli dhe të hapur përgjigjen, siç ia lë edhe librin lexuesit që të vendosë vetë: I gjykon apo i miraton autori ngjarjet e kohës? Që është një e ardhme. Por, jo e largët. Por, jo aq e pamundur. Sigurisht, nëse shkon përtej sarkazmës së veprës, dhe nëse lexon edhe rreshtat e bardhë të këtij autori të thukët.

Nenshtrimi

Dy gjysmëvëllezër, janë karakteret gati të vetmuara të këtij rrëfi mi. Mishel Zherzinski, një shkencëtar superan dhe Brunoja, një mësues i pafat. Ata janë të dy frute familjesh të ndara, dhe po aq ndarje dhe vetmi u derdh edhe shoqëria, pjesë e së cilës janë. 
Brunoja e gjen shpëtimin tek seksi, shpesh edhe duke abuzuar. Misheli është ithtar i shkencës, një biolog i joshur nga profesioni i tij asisoj, sa nuk arrin të ndërtojë dot një jetë të tijën personale.

Për të dashuria mbetet një mirazh i ftohtë dhe i largët. Por, sa për ta shtënë lexuesin në dromca shprese, Michel Houe llebecq u jep mundësinë personazheve të tij që ta rrokin atë që
mund të quhet dashuri.

Por në qendër të botës, mëshon idenë e tij të përjetshme autori, është seksi dhe jo dashuria, e cila, duke qenë aq ideale, është vetëm një vagulli në këtë shoqëri konsumizmi dhe kalkulimi. Edhe në këtë rrëfi m, Misheli në fund të historisë humb, si shpesh karakteret e Houellebecq, si shpesh vetë Houellebecq bën me shoqërinë tonë, si të jetë i lodhur nga adhurimi ynë ndaj tij.

Therrmijat Elementare

Zhed Martini, një fotograf francez që jeton në provincë, e shkon jetën prej artist të rëndomtë duke fotografuar, veçmas harta Michelin. Por krahas kësaj, ia kushton pasionin e tij edhe pikturës, më së shumti portreteve të njerëzve në punë e sipër. 
Në këtë rutinë, do të takohë edhe shkrimtarin Michel Houellebecq për t'i bërë portretin, por njohja me të do t'ia ndryshojë edhe ritmin e jetës që deri tani ka qenë fare i qetë: marrëdhënia me të dashurën, një ruse bukuroshe kjo, dhe takimet me të atin një herë në vit.

Qetësia do të prishet pas vrasjes sadiste të shkrimtarit Michel Houellebecq. Zhedit do t'i duhet të ndihmojë policinë në zbulimin e një krimi të urryer, njëherësh duke kaluar edhe vetë nëpër një proces shndërrimi në një nivel të epërm të artit të tij.

Michel Houellebecq, duke qenë vetë autor dhe personazh në këtë roman, padyshim që i ka dhënë shumë nga natyra e tij prej shkrimtari të jashtëzakonshëm këtyre dy burrave, dy gjysma të ndara të alter egos së tij.

Ky është një nga romanet më të rëndësishëm të Michel Houellebecq, një kryevepër për dashurinë, miqësinë dhe marrëdhënien babë e bir; fitues i Çmimit Goncourt në vitin 2010.

Harta Dhe Territori

Personazhi i kësaj historie, një i ri tridhjetëvjeçar, i paguar shumë mirë, por pa një jetë dashurore të vetën, është në limonti. Ai tymos katër paketa cigare në ditë dhe shkruan historira të çuditshme kafshësh në kohën e lirë. 
I kënaqur me atë çka e rrethon, detyrohet të shoqërohet gjatë një shërbimi pune në provincë, më njëfarë Rafael Tiserand, një djalë tejet i shëmtuar dhe plot komplekse. Prej këtu nis odiseja plot intrigë e ballafaqimit të dy moshave të ndryshme që ata kanë, dhe rrëfyesi ynë, shpeshherë nëpër udhëtime, ndonjëherë pranë automatëve të kafesë, nis e këqyr me vëmendje lëvizjet njerëzore, jetën e përditshme vanitoze, duke e zgjeruar fushën e vëzhgimeve të tij, gjë që ia asgjëson iluzionet kolegut të tij dhe e ndihmon në hartimin e një teorie të plotë mbi liberalizmin ekonomik dhe atë seksual.

"Zgjerimi i fushës së luftës", megjithëse qe romani i parë i Michel Houellebecq, në kohën e botimit të tij u radhit ndër librat fenomenalë në Francë dhe e bëri vetë autorin menjëherë zëdhënësin e gjeneratës së tij. I lirë prej peshës së historisë, Houellebecq ka formuar një zë sarkastik dhe të thukët, që e ka mbërthyer paq thelbin e kohës sonë.

Lista e librave të autorit Michel Houellebecq

Platforma

Nderhyrje 2020

Asgjesimi

Serotonina

Ishulli I Mundshem

Nenshtrimi

Therrmijat Elementare

Harta Dhe Territori

Zgjerimi I Fushes Se Luftes

Platforma

Nderhyrje 2020

Asgjesimi

Serotonina

Ishulli I Mundshem

Nenshtrimi

Therrmijat Elementare

Harta Dhe Territori

Zgjerimi I Fushes Se Luftes