"Fjalor leksiko-frazeologjik i Kosovës" përbën një tjetër ndihmesë të rëndësishme të prof. dr. Qemal Murati dhe bie në dorën e lexuesve e të studiuesve në kohë të përshtatshme, sjell lëndë shumë të pasur leksikore e frazeologjike, plotëson një nevojë të kohës dhe, gjithashtu, jep dorë për ta ngritur më lart objektivin e hulumtimeve dhe botimeve për fjalën shqipe të Kosovës, si dhe të arealeve të tjera të shqipes, kudo që janë. Me lëndën që përmban, Fjalori i shqipes së Kosovës nuk është thjesht vetëm një glosar i pasur dhe i gjerë i fjalëve të rralla dialektore e krahinore, por një libër që nden emërtime e frazeologjizma me vlerë folklorike, historike, etnopsikologjike etj. Akad. Gjovalin SHKURTAJ"Fjalor leksiko-frazeologjik i Kosovës" zë vend të veçantë në grupin e veprave leksikografike, si dhe një vend të merituar në leksikografinë dialektore mbarëkombëtare, si një vepër me lëndë të bollshme për studiuesit, leksikografët, shkrimtarët, gazetarët etj., si dhe për përdoruesit e thjeshtë të shqipes. Lënda që mbart Fjalori është e jashtëzakonshme dhe dihet se studiuesi sheh në vepër atë që do. Si leksikograf shoh prurje që meritojnë më shumë se vlerësim. Qytetari shqiptar gjen aty (dhe te gjithë vepra e këtij studiuesi) një pjesë vitale të pasurisë gjuhësore. Q. Murati na tregon dhe një herë se si punohet misionarisht për kombin. Për mbarë kombin shqiptar. Akad. Valter MEMISHA"Fjalor leksiko-frazeologjik i Kosovës" është një nga thesaret gjuhësore e kulturore, i ardhur së fundmi në leksikografinë tonë dialektore. Ky kod shumëpërmasor afron një mozaik interesant ku shpërfaqen pasioni, serioziteti e përkushtimi i dialektologut e leksikografit Qemal Murati për të përmbushur mëtimet që kërkon shestimi, hartimi dhe botimi i këtij libri vëllimor fjalësh, apo për kodimin e një lënde etnogjuhësore me përmasa të tilla. Prof. dr. Artur LAMAJKosova jonë përmes këtij fjalori na shfaqet një zonjë e rëndë plot hire, një copë parajse mbi Tokë me njerëz të mrekullueshëm; me tradita, doke, zakone, festa, lojëra popullore pafund; me besëtytni, betime, urime, sharje, nëma, mallkime; mitologji, zana e demonë; me burra trima e punëtorë, mjeshtra e duarartë në shumë zeje; me bujq e blegtorë të zot; një popull që di të këndojë me lahutë e çifteli, një popull me burra të odës e të kuvendit, me pleqnarë të drejtë, me gra të bukura e amvisa të shkëlqyera. Kosova jonë e shtrenjtë, na vjen përmes kësaj vepre bletore të prof. Qemal Muratit me bujqësi e pemëtari të zhvilluar, me pylltari e blegtori, me etnografi e zejtari, me malësi e me vërri, me bulmet e me mish, me ujë e musht, me botë shpirtërore të pasur e me frazeologji origjinale. Prof. Viktor BAKILLARI.

Lista e librave të autorit QEMAL MURATI

FJALOR LEKSIKO FRAZEOLOGJIK I KOSOVES

FJALOR LEKSIKO FRAZEOLOGJIK I KOSOVES