KY LIBËR ËSHTË NJË UDHËTIM NGA ETOSHA PARK NË NAMIBI, NË QETËSINË E BOTËS SI LINDI, DERI NË GROENLANDË, NË QETËSINË E BOTËS QË PO IKËN,PA KTHIM.

KOLI I BARDHES SHKON NE AFRIKE

"21 janari i vitit 2011, ngjarjet dhe personat që e krijuan atë, më përfshinë edhe mua në një takim të hershëm me vdekjen, në formën që e kisha mbajtur më shumë larg: vrasjen me plumba, në mes të ditës, në mes të bulevardit. Unë nuk doja të përfshihesha në këto ngjarje, më shumë sesa në rolin tim si gazetar. Por rrjedha e tyre, para dhe pas 21 janarit 2011, më bënë të isha dëshmitar, gazetar, protagonist dhe antagonist. Më bënë "puçist" e të përfshirë, dhe në fund të pozicionohem e të pranoj për herë të parë në jetën time publike, se në këtë vit isha i njëanshëm." Autori.

Deshmia E Pucit

Nga ekrani në libër, vijnë 33 intervistat më të spikatura të gazetarit Balla me personazhe të njohura të politikës, por edhe me protagonistë të zhvillimeve në Shqipëri. Ato janë dëshmi dhe artefakt në çdo kohë prandaj ky botim vlen si referencë për Shqipërinë e viteve 2000 për lexuesit edhe në të ardhmen.

Sokol Balla 33 Tranzicioni Ne Interviste

Ngjarjet dhe personazhet që shënuan rotacionin paqësor të pushtetit në vitin 2013, në 13 intervista të gazetarit të njohur të ekranit shqiptar, Sokol Balla. Ky libër nuk pretendon të nxjerrë të vërtetën se përse ngjarjet morën atë rrjedhë që morën në 23 qershor. Por modestisht kërkon të dëshmojë disa nga ngjarjet, deklaratat dhe momentet që shënuan këtë periudhë historike për Shqipërinë e vuajtur nga sindroma e mbrapshtë e viteve të ngjashme me atë 1913. Ngjarje, deklarata e momente, të personazheve përballë meje, në intervista që unë, personalisht, do t’i mbaj mend për një kohë të gjatë.

Viti I Mbare

Një libër që tregon për problemet me të cilat përballet media sot, raportet mes gazetarëve dhe botuesve, raportet me politikën etj. Në libër ai ka përfshirë një anketim me mbi 150 gazetarë shqiptarë dhe shqetësimet e shprehura nga ata janë shumë herë më të forta se ato të njëzet viteve më parë. Një nga problemet që Balla evidenton fort, është vendosja e një raporti të drejtë të gazetarëve me pronarët e mediave, sidomos në kohën kur raporti i fundit i BE-së për median ishte më kritik se herët e tjera dhe shikonte një përkeqësim të lehtë në raport me vitet e mëparshme.

Fjala E Lire Sfide Europiane

Libri është një reflektim për ecurinë, uljet dhe ngritjet e futbollit shqiptar në këto 7 dekada që nga koha e komunizmit dhe në këto vite tranzicion. Gazetari Balla rrëfen marrëdhënien e tij me futbollin dhe kombëtaren duke sjellë në këtë libër një rrëfim personal kur shoqëronte që fëmijë babain e tij në shkallët e stadiumit “Qemal Stafa”, momentin kur guxoi t’i merrte autograf Franz Beckenbauer-it të madh pas një ndeshje në Qemal Stafa. “Ky libër botohet në 70-vjetorin e ndeshjes së parë ndërkombëtare të futbollit të kuqezinjve, në shenjë modeste mirënjohjeje dhe falënderimi për gjithë ata që kontribuuan në një vit historik, kur pjesëmarrja e Kombëtares në finalen e Kampionatit Europian na bëri të gjithëve të ndiheshim të barabartë, për dhjetë ditë, me të gjithë vendet e kontinentit”, shkruan në hyrje të librit autori. Ndërsa si pasthënie ai ka zgjedhur pikërisht momentin kur ai akoma një fëmjë takon idhullin e tij gjerman. “Kisha qenë në ndeshjet e Kombëtares dhe të “17 Nëntorit” për vite të tëra rresht. Shtëpia ime e dytë ishte stadiumi “Qemal Stafa”. Por për herë të fundit kisha qenë aty më shtator 1990. Dy herë. “Dinamo” kampione ndeshej me kampionët e “Olympic Marseilles”. Nuk di se si gjeta mënyrën të çaja kordonin policor për të hyrë në fushë. Deri aty ku trajneri i francezëve po testonte fushën, i shoqëruar nga një gazetar i “Sporti Popullor”. Idhulli im dhe i miliona tifozëve, Franz Beckenbauer, si dhe Robert Papa, pranë tij, ngelën të habitur. Një djalë i ri, me syze, bëri aktin e paprecedent: po i kërkonte Kaiserit një autograf, mbi një foto të tijën, me ngjyra, me Kupën e Botës që kishte ngritur dy muaj më parë, në Romë. Kaiseri firmosi foton dhe më pas fshiu dorën nga djersa e dorës sime të sikletosur që iu drejtua për ta shtrënguar. Gazetari i “Sportit Popullor” lajmëroi policët, të cilët më intervistuan me hollësi, por qëllimi ishte tjetër. Ata kërkonin të shihnin se çfarë letre kishte firmosur gjermani i famshëm. Për më tepër, njëri prej tyre tentoi ta griste, por duhet të ketë ndeshur në sy njerëzish të inatosur. Ishin kohë të vështira për regjimin. Njerëzit braktisën shkallët e stadiumeve dhe iu drejtuan ambasadave dhe shesheve e, më pas, edhe porteve dhe kufijve. Në stadium nuk do ktheheshin për shumë vite me radhë. Bashkë me ta, as unë….”– shkruan Balla.

Lista e librave të autorit Sokol Balla

KOLI I BARDHES SHKON NE AFRIKE

Deshmia E Pucit

Sokol Balla 33 Tranzicioni Ne Interviste

Viti I Mbare

Fjala E Lire Sfide Europiane

Loja Qe Ndryshoi Shqiperine

KOLI I BARDHES SHKON NE AFRIKE

Deshmia E Pucit

Sokol Balla 33 Tranzicioni Ne Interviste

Viti I Mbare

Fjala E Lire Sfide Europiane

Loja Qe Ndryshoi Shqiperine