Ky është libri i tretë i kolanës “20 mjeshtrit e hershëm shqiptarë”, një histori arti për fëmijë dhe të rinj. Pasi jeni njohur me 40
mjeshtrit në librat e parë dhe të dytë, në këtë botim ju do të njiheni me 20
mjeshtër të tjerë, të pikturës, skulpturës dhe grafikës shqiptare. Ju, ndoshta
nuk keni dëgjuar më parë për ta. Ky libër do t’u nxisë kureshtjen për të njohur
20 artistë të tjerë të rëndësishëm, që jetuan në shekullin XX.
Libri i tretë prezanton, në 20 artikuj, jetën dhe krijimtarinë e njëzet
mjeshtërve. Ai do t’ju njohë me imazhin e portretit të artistit, kohën e jetës
së tij, datën dhe vendin e lindjes dhe të origjinës, sfondin historik dhe
shoqëror, edukimin, arsimimin dhe formimin e tyre kulturor e artistik. Dhjetëra
prej tyre u shkolluan në akademitë e njohura të artit në Europë dhe në Rusi,
ndërsa disa të tjerë u formuan në Institutin e Lartë të Arteve në Tiranë,
Shqipëri.
Krijimtaria e këtyre mjeshtërve është e shumtë dhe për këtë libër është
zgjedhur me kujdes një vepër e secilit prej tyre. Veprat e botuara e
përfaqësojnë denjësisht çdo artist dhe për secilën vepër shpjegohet subjekti,
tema, personazhet, koha e krijimit, flitet për ngjyrat dhe volumet, për parimet
dhe elementet e artit pamor. Për secilin artist përshkruhen aftësitë e tij
krijuese, talenti, fantazia dhe imagjinata, të cilat kanë krijuar stilin vetjak
figurativ.
Libri i tretë është vazhdim i dy librave të parë dhe qëllimi i tyre i
përbashkët është domosdoshmëria e njohjes nga fëmijët dhe të rinjtë, i jetës dhe
i veprave të artistëve që kanë kontribuar për formimin e historisë së artit dhe
zhvillimin e artit shqiptar në shekullin XX. Libri do të jetë pjesë e
trashëgimisë kombëtare shqiptare dhe do të ndihmojë në edukimin artistik dhe
kulturor të fëmijëve dhe të rinjve shqiptarë, kudo që jetojnë. Libri
këshillohet të lexohet me prindërit, për të shtuar qasjet e njohjes dhe t
kuptueshmërisë.
Gjuha e përdorur në përshkrimet e jetës dhe rreth veprave të artit është e
thjeshtë dhe e kuptueshme. Libri është i pasur dhe me kuriozitete nga jeta e
këtyre mjeshtërve të hershëm shqiptarë.
Suzana Varvarica Kuka.

20 MJESHTRIT E HERSHEM SHQIPTARE PJESA E TRETE

FATMIR HAXHIU

"Kërko, se arti është në kërkim e nuk mbaron kurrë!" 


Jakup Keraj



E kam pasur gjithmonë ëndërr të realizoj librin e babait tim, Jakup Keraj. Të kesh një baba artist kaq të veçantë dhe, vjen ditë, papritur, ai ikën nga kjo jetë. Mosqenia e tij me ka krijuar mua dhe familjes sime një boshllëk të jashtëzakonshëm. Përmes kësaj monografie hidhet dritë mbi figurën, jetën dhe krijimtarinë e artistit të shquar Jakup Keraj. Kësisoj, bëhet realitet ëndrra ime e fjetur prej ditës që na la, si dhe e nënës tonë Neziha, e cila, përmes të gjitha sakrificave, kujdesin më të madh ia kushtoi ruajtjes me dashuri të veprave të babait tonë, bashkëshortit të saj. Po ashtu, plotësohet edhe dëshira jonë për të vendosur në faqet e një libri vokacionin e tij artistik. Vullneti ynë është kontribut, për t'i dhënë publikut dije dhe njohje mbi personalitetin dhe botën e tij krijuese.



Albana Keraj Sinaj dhe Eduard Sinaj.

Jakup Keraj

Libri me titull "Simon Rrota" eshte nje liber arti qe perbehet nga tekste, te cilet jane te ndare ne artikuj, qe kane tituj te vacante, ku pershkruhet Shkodra ne kohen kur jetuan prinderit e Simon Rrotes dhe kur ai lindi. Me pas shkruhet per zhvillimin jetes, te edukimit e arsimimit dhe te udhetimeve ne Shkoder, ne Milano, Paris, Vjene, Fier e Perseri ne Shkoder.  Libri eshte i ilustruar me imazhet e veprave e tij te artit, te cilet jane te shpjeguar me fakte, me imazhe te fotove personale dhe te familjes, si dhe me imazhe te ndryshme te qytetit te Shkodres. Ne liber trajtohen tema krahasuese mbi artin e Simon Rrotes dhe artin e kohes qe u zhvillua gjate jetes se tij.

Lista e librave të autorit Suzana Varvarica Kuka

20 MJESHTRIT E HERSHEM SHQIPTARE PJESA E TRETE

FATMIR HAXHIU

Jakup Keraj

Simon Rrota

51 Albanian Painters

20 MJESHTRIT E HERSHEM SHQIPTARE PJESA E TRETE

FATMIR HAXHIU

Jakup Keraj

Simon Rrota

51 Albanian Painters