EMOCIONE 4

Ky libër  i referohet një figure komike të ngjashme me atë të Belul Gjeraqinës të shkrimtarit të njohur Qamil Buxhelit, por në këtë rast, bëhet fjalë për një tjetër Belul, një Belul të sportit. 
Unikal, shumë i ditur, i gjithanshëm, krijues (deri edhe poet këngësh), kritikues, akuzues, hulumtues, që të godet për gjithcka, një figurë e sjellë me sarkazëm që flet për karrierën e tij, që komunikon me lexuesit, i përgjigjet letrave të tyre, një mëndjemadh që jep këshilla, orientime, një pafundësi “Unë, unë dhe vetëm unë”.

Ndonëse i ardhur, i trashëguar nga sistemi që i shërbeu për shumë vite, sot ai shfaqet një kamaleon një Belul fodullo-kapadai, por modern. Sipas Zajmi gjithcka në libër nuk i referohet askushit, as dikushit, as tjetërkushit, as gjithkushit dhe as kërkushit, por….. shumkushi sa sado pak mund ta gjejë veten aty. Me humor sigurisht!

Une, Belul Megalomani I Sportit

NJE RRUGETIM NE KUJTESE, kështu do ta përcaktoja këtë libër. Por nuk ka qenë i lehtë ky udhetim i gjatë, i lodhshem në kërkim të çdo detaji të harruar nga ajo kohe kur luhej me këpucë me taka sholle, me topin e lekures, fanellat pa sponsorë, si dhe rrëfimi me kujdes i një ngjarjeje, i një historie, i karrierës sportive të një personazhi, që në njëfarë mënyre kanë qenë pjesë e jetës sonë, bashkë me "Qemal Stafen". Janë kujtime që rikthehen, episode, foto të bëra në kohë të ndryshme që rishikohen e që shoqërojnë një zinxhir me emocione te forta, si dhe shumë nostalgji. Një libër filtër për të kujtuar më të veçantën, më të bukurën, fragmente të se kaluarës së stadiumit kombëtar të vetëm shqiptar. Një zhytje në detin e madh qemalstafas, një libër që të shoqëron në mënyrë kronologjike nga ngjarja në ngjarje, duke ofruar ndeshje, kampionë, data, gara, për t'ua rrëfyer kureshtarëve që nuk i kanë përjetuar dikur ato. Veçanërisht kjo për miq, kolegë, familje sportistësh, arbitra, atletë, rekordmenë, drejtues, gazetarë, radiotelekronistë, tifozë të tribunave A dhe B, ata kuqezinj, per brezat e shumtë, por edhe për të rejat e të rinjtë pasionante. Edhe për mua, me nje karrierë arbitrore mbi 20 vjet, me flamur e bilbil në ate stadium, përkrah emrave te medhenj, personaliteteve të gjykimit shqiptar, në shumë ndeshje të paharruara, përballje, sfida epokale. 
Autori.

Lista e librave të autorit Uvil Zajmi

EMOCIONE 4

Une, Belul Megalomani I Sportit

Na Ishte Njehere "qemal Stafa"

EMOCIONE 4

Une, Belul Megalomani I Sportit

Na Ishte Njehere "qemal Stafa"