Avancimet teknologjike në shekullin njëzet e një janë të jashtëzakonshme, përderisa ndikimi i tyre në zhvillimin e marrëdhënieve shoqërore, në realizimin e bizneseve, si dhe në qeverisjen e vendeve, është marramendës. Faqet e internetit, portalet, blogjet, wiki-t, email-et dhe rrjetet sociale gjejnë përdorim tek miliarda njerëz në botë, pavarësisht kombësisë, gjinisë dhe moshës, sepse shërbejnë si burime komunikuese dhe informuese njëkohësisht. Digjitalizimi ka shtrirë ndikimin e tij edhe tek mënyrat e realizimit të objektivave diplomatike të shteteve dhe organizatave ndërkombëtare. Pranimi shumë i shpejtë i teknologjive digjitale, si dhe përdorimi shumë i madh i internetit dhe mediave sociale prej aktorëve ndërkombëtarë, cilësohet si revolucion në fushën e diplomacisë. Ky revolucion hodhi në dritë një formë të diplomacisë së re publike, diplomacinë digjitale, bazamenti i së cilës përbëhet nga TIK-u, interneti dhe mediat sociale. Diplomacia digjitale e lehtëson shtrirjen ndërkombëtare të shteteve dhe e ndihmon përhapjen e aktiviteteve të organizatave ndërkombëtare. Synimet e saj ngërthejnë shfrytëzimin adekuat të njohurive, rritjen e efektivitetit të diplomacisë publike, menaxhimin e të dhënave të poseduara, lehtësimin dhe shpejtësinë e komunikimeve diplomatike, përhapjen e vlerave demokratike dhe zvogëlimin e regjimeve autoritare, shfrytëzimin e ekspertizës së jashtme për qëllime kombëtare, si dhe koordinimin dhe planifikimin e politikave.

DIPLOMACIA DIGJITALE NE TEORINE DHE PRAKTIKEN E DIPLOMACISE SE SHEKULLIT

Votimi i popullit britanik në referendumin e anëtarësisë së MB-së V në UE më 23 qershor 2016 për Brexit kishte qenë befasi për mbarë globin. Brexit hapi kapituj të rinj në historinë e Britanisë, kurse UE-ja u përball me largimin e një vendi anëtar, apo thënë më saktë me një proces rreth së cilit nuk kishte asnjë përvojë. MB-ja është shkëputur prej një organizate me rol ekonomik të jashtëzakonshëm në arenën ndërkombëtare, kurse nga UE-ja është tërhequr një prej shteteve anëtare të pakta që karakterizohet për peshën e madhe politike, ekonomike dhe ushtarake në Evropë dhe jashtë saj. Nevoja për ofrimin e informacioneve rreth procesit të Brexit-it nuk është prezente vetëm tek britanikët dhe shtetasit e vendeve anëtare të UE-së. Njohuritë rreth tij janë të nevojshme për të gjitha vendet e botës, veçmas për ato shtete që kanë marrëdhënie bilaterale me Britaninë ose partneritete të veçanta me UE-në. Brexit është bërë pjesë e hulumtimeve të shumë ekspertëve nga mbarë bota që nga mementet kur është prezantuar plani i ish-kryeministrit britanik David Cameron për organizimin e referendumit të UE-së në vitin 2015. Politikanë dhe studiues të kombësive të ndryshme kanë ofruar, ofrojnë dhe do të ofrojnë hulumtime të shumta mbi aspekte specifike të Brexit-it. Padyshim, çdo kontribut i tyre vlerësohet pavarësisht vëllimit, ngase falë tyre vazhdimisht pasurohet bibliografia e Brexit-it.

Lista e librave të autorit VIONA RASHICA

DIPLOMACIA DIGJITALE NE TEORINE DHE PRAKTIKEN E DIPLOMACISE SE SHEKULLIT

TERHEQJA E MBRETERISE SE BASHKUAR NGA ANETARESIA E UNIONIT EVROPIAN DHE IMPLIKIMET E KETIJ PROCESI

DIPLOMACIA DIGJITALE NE TEORINE DHE PRAKTIKEN E DIPLOMACISE SE SHEKULLIT

TERHEQJA E MBRETERISE SE BASHKUAR NGA ANETARESIA E UNIONIT EVROPIAN DHE IMPLIKIMET E KETIJ PROCESI