ORTEKU BILLA ‘85

BUNGU

AMBASADORI SHETITES

Duhet kuptuar sesi i përjetoj unë tregimet e Genturit, i dyfishtë në interesim dhe i shumëfishtë në ndijim. Sikur e kam para syve me atë buzëqeshjen e tij të veçantë, ku është ngulitur pasioni për të ndryshuar, jo normalisht, po ashtu rrufeshëm. Në atë buzëqesh- je engjëllore është dëshira për hapësirë, jo vetëm fizike, por më fort shpirtërore, çështje e kërkimit të sferave dhe çështje të pasionit ende efemer. Është trimëri e madhe të merresh me shkrimet e Genturit. Aq i ri, ai di (flas në të tashmen se e kam të gjallë para syve) të qëmtojë hollë e bukur gjetje që i takojnë penave të sprovuara. Dialogu i gushëkuqit me pëllumbin të lë pa mend për nga të rrëfyerit brilant dhe mesazhi aq i i hollë; numërimi i imtave të borës në pyll... Apo rrëfimi i nono Pier Karlos për pemën që donte të kishte një fëmijë, ai sakrifikim biblik i pemës nga dashu- ria... Ankthi, tregim ngjethës, profetik. «Kjo është nata e fundit e Vitit te Ri që ti feston» Këto zëra i vijnë vetëm të shënjuarve. Sa bukur: lotët e nënës ma lanë fytyrën... ose; babai lëvizte këmbë e duar... (pritja në port).Tregimet e Genturit duhen përkthyer. Në Shqipëri librat dalin dhe harrohen. Klani dhe tarafi e kanë zënë për grykë median dhe tregun... Ja, sapo fola me Genturin dhe ai më dëgjoi me atë buzëqeshje aq të çiltër, që shpreh shumë dashuri për jetën. Ia thashë disa gjëra, i prekur thellësisht që ai nuk shqiptonte dot asnjë fjalë, por dinte të më përgjigjej vetëm me atë buzëqeshje, që është e fiksuar përjetësisht në fotografi. Gentur, të zgjas dorën e një miku që të do shumë, aq shumë, sa gjatë leximit të tregimeve të tua, nuk qe në gjendje të përmbante lotët.

ENDEM NEPER RE ME TIM BIR

Uni Dhe Psikopolitika

SHTEPIA E VALLEZIMIT

Buharaja, Faltorja E Shqipes

Kam mbyllur një ëndërr dhe kam hapur një legjendë...Me këtë frazë fillon ky libër me ese që u kushtohet «Bijave të tim biri...» me idenë e bukur të shprehur në dy vargje : «Eh, gjërat e vogla, sa zhurmë që bëjnë!» Libri është i ndarë në tri pjesë. Pjesa e parë e librit titullohet Ikonat e Sajmir Stratit e shprehur me nëntitullin poetik « Dhe akoma një buqetëz me lule flakë të kuqe buzëqesh mbi gjoks...» e poetit Aldo Palaceski (Aldo Palazeschi). Janë ese mjaft interesante dhe të shkruara bukur. Sajmir Strati në Canale 5, Ikona e parë: Leonardo Da Vinçi, Ikona e dytë: Shpirti i lirë, Ikona e tretë: Energjia e Mesdheut, Ikona e katërt: Michael Jackson, Ikona e pestë: One (Një) Homer!, Ikona e gjashtë: Kuinteti i madhërishëm, Ikona e shtatë: Shqipja jonë dykrenore, Ikona e tetë: Toka jonë,  Ikona e nëntë: Jose Saramago Ikona e dhjetë: Vezullimi shenjtëror i Nënës Terezë... Vezullimi Shenjtëror i Nënës Terezë. «Sa fjalë të bukura shqiptohen në kishë», mendonte Sajmir Strati. Do të ishte ideale që një nga fasadat e mëdha të katedrales «Nëna Terezë» të bëhej ky mozaik. Nuk mendoj kurrgjë tjetër. Figura e madhe, madhështore, në një lutje të nxehtë me zë të ulët. Dhe kori këndon, kori i grave të holla, me pamje ngasëse, fshehur bukur në buzagazin e çmendur e fin, të bëjnë të mendohesh thellë. Ato krijojnë atmosferën që lutja të ndihet, të përcillet tek fëmijët e pangrënë, të gjymtuarit, të lodhurit, të pashpresët... Nënë Tereza shtrëngon duart me përulësi të mrekullueshme, një pikë loti në faqet e rreshkura ku ndihet fort që luftonte thellë e pa pushim. Gjithçka kullonte si ujë...» Eseja vijon në këtë trajtë duke dhënë portretin e krijuar nga artisti Sajmir Strati...
Pjesa e dytë e librit titullohet Ikona dhe mozaik të tjerë. Që në fillim bëjnë ballë vargjet e Eugjenio Montale (Eugenio Montale): Një e qeshur që s’më përket kalon nga degët e thinjura gjer në gjoksin tim, e dredh një trill që ther venat, si lajtmotiv i të gjitha eseve, ku bien në sy Shqipja Kuteliane e Roland Gjozës, E vuaja prej kohe këtë brengë, Vitrinat e Çlirim Muklit, Ikonë e pasionit dhe e Fjalës : Simon Vrusho, Mbi fjalën e bukur shqip dhe «Mbinjerëzore?...», Luan Myftiu - ai që ishte i konturuar vetë, Hapësira qiellore emocionuese e Buron Kacelit, Ja, kjo më dhemb, Fehmi Telegrafi etj...
Pjesa e tretë e librit titullohet Etër të letërsisë. Bien në sy esetë : Ati i natyralizmit - Emil Zola, Forca gjeniale e përgjithësimit – Xhejms Xhojs, Magjistari i romanit realist – Stendal, Çehovi - mjeshtri i lakonizmit, Streha e shprehjeve të figurshme, Bir i artit të lashtë, Prej tij fillon madhështia, Sofokliu dhe legjenda e Edipit, etj., etj.... 
Esetë e Xh.Lleshit dallohen për gjuhën e bukur dhe shprehjet elegante, gjetjet e veçanta. Janë ese të shkruara si tregime të shkurtra ...

Rekorde Shpirti

Në librin më të ri, «Orakulli i Dodonës»,me shënime, proza, përkthime, krijime me një domethënie të vetme: Një ditë - një emër, çdo ditë e vitit me një kushtim të veçantë, domethënie e kohës që jetojmë. Festat nuk kanë lindur kot, ato kanë një prejardhje, një trashëgimi, origjinë, e cila nesër kthehet në legjendë, gojëdhënë, paradoks, anekdotë, bëhet mundësi dhe filozofi, lind ideja e një vepre tjetër, thuret një këngë, poezi dhe një tregim e roman. Ja, nga ajo qelizë, duke vrapuar tek e vërteta. Kështu, me këtë ide të madhërishme është thurur ky libër interesant, që duke krijuar emrin e një dite, të një date, duke ruajtur historinë dhe jetën e përditshme, vetëm thjesht në një faqe jep një ngacmim prej të cilit buron një krijim letrar, një ngjarje historike, një zhbirim psikologjik... Dita e puthjeve, Dita e figurave të shquara, Dita e burrave të dheut, Dita kundër Stresit... Ja kjo ditë vjen më 9 mars. Dhe kushdo mund ta festojë më 9 mars. Pse jo? Kështu lindin festat. Dhe në Ditën Kundër Stresit ju dhe kushdo mund të njiheni me jetën dhe veprën e Sokratit, dijetari i Antikitetit, luftëtari i parë i luftës kundër një sëmundjeje të panjohur, që shumë vonë u quajt stress... Ose, Dita e Gjithkujt... 13 mars. «Sot dola nga shtëpia dhe pashë që njerëzit ecnin vertikalisht...» shkruan shkrimtari Roland Gjoza, që në fillim të tregimit me të njëjtin titull... 
Më tej, Dita e të Birësuarve (25 maj) ka në qendër Terencin, i birësuari i madh, në një formë krejt të veçantë, vdiq në moshë të re. Ky autor i kushtoi jetën e tij dhënies së një forme të veçantë në një formë krejt romake Komedisë së re Antike dhe me stil krejt të veçantë...
Dita e Parashikimit të së ardhmes (8 qershor). ...«Dhuntia» (po e quajmë kështu) që bën të mundur ta shohësh përpara se të ndodhë një ngjarje të caktuar dhe që mund ta parashikosh atë, ka qenë, është edhe sot dhe do t’i falet gjithmonë një numri shumë të vogël njerëzish, por që ajo është një realitet, madje një realitet i përhapur, kjo në asnjë mënyrë as që mund të vihet në dyshim...
Dita e shtegtimeve (11 korrik). Një shtegtim sipas shënimeve të veprës Albanien hartuar prej gjeografit gjerman Herbert Louis, botuar në vitin 1927. Mendo një turizëm tjetërlloj sipas këmbëve që ka hedhur ky autor i njohur... Ose Dita e Frazës së Zgjedhur (5 gusht) na njeh me Mopasanin (5 gusht 1850-6 korrik 1893). I mjaftuan 43 vjet të bëhet një nga shkrimtarët më të mëdhenj të botës. Mjeshtë i shquar i Fjalës...
Dita e Ngjyrave (30 gusht), Dita e Enigmave (9 shtator), Dita e Marrëdhënieve Delikate, Dita e lodhjes së bukur, Dita e Shenjtë e Bukës, Dita e Krenarisë së Shfrenuar, Dita e Mbretërisë së Aromave, Dita e Energjisë së Tokës, Dita e Altruizmit, Dita e Mendimit të Fuqishëm...
Krijime për 366 ditë, për vitet e brishtë, çdo katër vjet...
Shpesh një libër i tillë mbetet në tavolinë. Çdo ditë. Çdo vit. Një jetë.
Siç i ka parashikuar Orakulli i Dodonës... Një sprovë ndryshe.

Orakulli I Dodones

Ibrahim Kodra është një e tillë krenari, një e tillë legjitime e kësaj krenarie. Vepra e tij është një diell që lëshohet agimeve të krenarisë shqiptare dhe mbushë me jetë ditën dhe gjallimin e çdo ngulmi përfaqësimesh. 
Ibrahim Shaban Likmetaj Kodra u lind në Ishëm më 22 prill 1918, vdiq më 7 shkurt 2006 në Milano, ku jetonte prej 30 vitesh. Jeta e tij në Tiranë në konviktin e shkollës “Naim Frashëri”, ndërpritet kur ai ishte 20 vjeç, respektivisht në vitin 1938, për t’u larguar nga Shqipëria përgjithmonë me një bursë studimi akorduar nga oborri mbretëror për në Akademinë e Arteve të Bukura në Romë. Ai e braktis Romën dhe përfundon në Milano, në Akademinë e Arteve të Bukura të Brerës. Feksi dhe shpërtheu ky talent për t’u shndërruar më shumë se një zgjedhje fati, në një talent, i cili do të ngjiste fluturimthi shkallët e përfaqësimit në botën e madhe të artit dhe të pikturës. Ai ekspozon në Romë, Milano, Venecia, Paris, Belograd, Nju Jork, krijon raporte me piktorë të mëdhenj si Pikasso, Shagall, Matis, Fontana, Guttuso, me poetë, shkrimtarë, kritikë e regjisorë nga Montale dhe Sereni, nga Bertoni tek Munari, dhe Marotta.
Vepra e Kodrës, gjëndet në të gjthë botën, galerinë prej 6000 punësh të tij përbëjnë visaret e çmuara në muze, galeri, e koleksione private.Vepra e tij është pasuri botërore, dhe kombi ynë nderohet me të.

Ibrahim Kodra ka lënë pas rreth 6 mijë vepra, të shpërndara nga muze privatë, koleksionistë dhe vetëm 2 mijë prej tyre janë të regjistruara dhe të dokumentuara.

Ibrahim Kodra

Libri «Struktura e personalitetit njerëzor» i autorit Xhevair Lleshi, vjen si një i tërë, duke ndërthurur teoritë e personalitetit nga psikologë të mëdhenj mbi strukturën dhe e gjithë kjo e shoqëruar me shembuj mjaft interesant të miteve të botës së vjetër dhe të kohës sonë.

Struktura E Personalitetit Njerezor

Jo vetëm botues apo studiues i psikologjisë dhe sociologjisë: Xhevahir Lleshi është një eseist i shkëlqyer, që di të sjellë plot pasion dhe finesë personazhe dhe ngjarje. Të qëmtuara me kujdes personazhet realë të kohës tonë apo të historisë, këta apostuj na vijnë me gjithë përmasën e tyre si etalon vlerash për kohën tonë.

Lista e librave të autorit Xhevair Lleshi

ORTEKU BILLA ‘85

BUNGU

AMBASADORI SHETITES

ENDEM NEPER RE ME TIM BIR

Uni Dhe Psikopolitika

SHTEPIA E VALLEZIMIT

Buharaja, Faltorja E Shqipes

Rekorde Shpirti

Orakulli I Dodones

Ibrahim Kodra

Struktura E Personalitetit Njerezor

Apostuj Te Dashuruar

ORTEKU BILLA ‘85

BUNGU

AMBASADORI SHETITES

ENDEM NEPER RE ME TIM BIR

Uni Dhe Psikopolitika

SHTEPIA E VALLEZIMIT

Buharaja, Faltorja E Shqipes

Rekorde Shpirti

Orakulli I Dodones

Ibrahim Kodra

Struktura E Personalitetit Njerezor

Apostuj Te Dashuruar