Ky libër ofron një përmbledhje me poezi nga shkrimtari Alban Bala. Poezitë sjellin një përsiatje të thellë në raportin e autorit me brezat e ndryshëm, gjyshin, babain, nënën, fëmijët e tij. Në të njëjtën kohë vërejmë një shqyrtim poetik të vetë “breznive” të shkrimtarit si: fëmijëria, pjekuria, burrnia, prindërimi. Të dyja këto boshte, pasqyrohen përmes poezive lirike dhe tonit meditativ, ku ndihen më së shumti aspekte të rëndësishme të jetës njerëzore si malli, dashuria, dhembshuria, butësia, habia poetike apo dhimbja shoqërore.