Jep në menyre të përmbledhur mbi 60 lloje të shpendve të cilët jetojnë në vendin tonë dhe janë emetuar nga Posta Shqiptare në pulla postare gjatë viteve 1913-2018. Libri është një guide e rrallë mbi shpendët shqiptare dhe ka per qëllime: T’u shërbejë mësuesve dhe nxënësve të shkollave 9-vjeçare dhe atyre të mesme për të studiuar e njohur më mirë dhe, sidomos, për të rritur kujdesin e dashurinë e tyre për shpendët, të cilët jetojnë në vendin tonë. T’u shërbejë agjencive turistike për të njohur dhe reklamuar te turistët shqiptarë dhe të huaj vlerat turistike që ka Shqipëria, veçanërisht me disa nga llojet autoktone të zogjve dhe të shpendëve shqiptarë. T’u shërbejë studiuesve, biologëve, punonjësve të agjencive shtetërore të pyjeve, të turizmit dhe zonave të mbrojtura për të marrë të gjitha masat e duhura ligjore për t’i mbrojtur nga gjuetia e paligjshme dhe nga dëmtuesit faunën, veçanërisht shpendët më të rrallë shqiptarë. T’u shërbejë filatelistëve shqiptarë për të rritur interesin e tyre për koleksionimin e pullave shqiptare me temë florën e faunën dhe llojet e shpendëve, të cilët jetojnë në territorin shqiptar. Tu shërbejë filatelistëve të huaj për të rritur interesin e tyre për koleksionimin e pullave postare shqiptare në tërësi dhe për të njohur faunën, sidomos llojet e shpendëve që jetojnë në Shqipëri.