Një provincë e vogël goditet nga krimi dhe korrupsioni, që përpiqen t’ia mbyllin gojën shtypit. Lufta mes së mirës dhe të keqes duket e vështirë dhe e pafund. Por deri kur? Kur do të gjendet drejtësia dhe kur do të vijë edhe zëri i së vërtetës? A mund të blihet gjithçka dhe gjithkush? Një provincë e vogël me zemër të ndjeshme nën trysninë e padrejtësisë, gjen mbështetje te pasioni dhe profesionalizmi i një gazetari të ri. Por a do të jetë pena e tij ajo që do të zgjidhë gjithçka? Mos duhet të jesh pak i krisur për të përmbysur gurët e këtij realiteti të çmendur?