Një reporter i njohur nga “ajri”, aktualisht i angazhuar me shumë projekte, paraqet punën e tij më të re: Riviera Shqiptare. Fotografi ndjen admirim dhe vlerësim të madh për këtë zonë kaq inspiruese. Në këtë mënyrë, Alket Islami është ai që ka ofruar një dimension të ri të Shqipërisë. Larg fotove standarte të pikave turistike të vendit tonë dhe më pranë natyrës, ai ofron pamje të magjishme të relievit dhe bukurive shqiptare. Albumi është një përmbledhje prej 399 fotografish të kryera gjatë 10 vjetëve. Ai i ofron audiencës një mundësi për të shijuar Rivierën Shqiptare, nga Veriu në Jug, me vëmendje të pandarë.