Sopranoja Tefta Tashko Koço, ndër figurat e rëndësishme të interpretimit vokal, me zërin e bukur dhe autentik, gjatë karrierës së shkurtër shpalosi një talent të jashtëzakonshëm të muzikës lirike qytetare shqiptare dhe një repertor të pasur të muzikës operistike klasike. Lindur në Egjipt në 1910, e formuar artistikisht në Paris dhe Romë, bilbili shqiptar që i dhuroi emocione të papërshkrueshme publikut të epokës, do të ndahej nga jeta në moshë shumë të re, duke lënë një boshllëk të thellë në kulturën dhe artin shqiptar.