Libri me tregime “ Bukë kajsie ” është një antologji autoriale nga L. Dano, një përzgjedhje me proza të shkurtëra nga krijimtaria e botuar në libra ose periodikë letrarë gjatë tridhjetë e pesë viteve. Në kët ë mozaik tregimesh të shënjuara, si: Pesëmbëdhjetë Tregime Metafizike , larmia e karaktereve dhe vendeve prek një hartë të gjerë ku mbizotëron bota mesdhetare. Shpesh ngjarjet mblidhen brenda kornizave të luftës ose të pasluftës. Shtresimet e kulturave të afërta levantine e mesdhetare më në rrathë të gjerë, trajtohen si një trashëgimi e përbashkët që e mbartim në gjak me baticat dhe zbaticat e përplasjeve të përjetshme lindje - perëndim. Në thelb, proza e Luljeta Danos është një protestë e heshtur, një përpjekje për të ruajtur dinjitetin e njeriut përmes ndjeshmërisë, përmes përfytyrimit, përmes artit. Shkrimi i saj është gjithashtu një akt rezistence ndaj harresës dhe heshtjes kolektive që shpesh mbulon tragjeditë historike. Është Brisida, skllave lufte në çadrën e Akilit dhe e vetmja grua e rëndësishme në Iliadën e Homerit që nuk ka zërin e saj. Në tregimin “Bukëjete kajsie” Brisida gatuan me kajsi e qumësht formulën e lashtë të bukës, si skllave lufte në çadrën e Akilit, aty, në kampin e luftës më emblematike të të gjithë kohërave. Është Brisida që flet.