Romani i fundit i Z. Bashkim Hoxha “Dëshmitari i shkretëtirës” i sapo botuar nga shtëpia botuese “Onufri” është një roman që mendoj se ka diçka të veçantë për nga mënyra e rrëfimit. Ai është i ndërtuar nga dy narratorë qendrorë, që shkruajnë secili nga një libër, por që në thelb është i njëjti libër por që ndryshon vetëm nga sfondi historik dhe vizual. Secili ‘romanth’ mund të lexohet më vete, pa humbur asgjë nga qendrueshmëria e tij estetike dhe lidhja e tyre është thjeshtë marrëveshjore.