Kamusi është shkruar me standardet e enciklopedive botërore të kohës dhe, krahas përshkrimit të çështjeve botërore të kohës, përmban edhe shumë zëra që kanë karakter historik, gjeografik, kulturor dhe qytetërimor. Sami Frashëri, në këtë vepër, rëndësi të veçantë u ka kushtuar edhe ngjarjeve dhe fytyrave të rëndësishme që kanë lënë gjurmë në kuadër të kulturës dhe qytetërimit musliman, si në kufijtë e shtetit osman, ashtu edhe jashtë tij.