Në parathënien e veprës "Mbreti Zog dhe përpjekja për stabilitet në Shqipëri" më 1996-n, Bernd Fisher shkruan se kur vepra u botua për herë të parë në vitin 1984, këndvështrimi ndaj mbretit Zog konsiderohej politikisht i papranueshëm për regjimin e Enver Hoxhës. Qysh atëherë populli shqiptar ka ndërmarrë hapa të rëndësishëm drejt krijimit të një shoqërie të lirë, që mund të analizojë të kaluarën e vet nën dritën e objektivizmit.