Studiuesja e pasionuar e prejardhjes së shqiptarëve dhe gjuhës së tyre, pinjolle e familjes së Vlorajve, Nermin Vlora Falaski, në librin “Etruskishtja – gjuhë e gjallë”, sjell përmes shumë përqasjeve gjuhësore mes etruskishtes dhe shqipes, një linjë mendimi të prejardhjes së përbashkët të gjuhëve të lashtësisë. Libri është i pasur me gjetje arkeologjike etruske, me mbishkrime të tyre, të cilat autorja përpiqet përmes mekanizmash gjuhësorë krahasues të gjejë të përbashkëtën mes tyre. Libri është i pajisur me një bibliografi të gjerë si dhe me mjaft ilustrime.