Aría, si plot fëmijë të tjerë, e do shumë detin, por nuk e ka parë asnjëherë. Teksa sodit detin e pikturuar në murin e dhomës së saj, ajo mezi pret që të vijë Bika, vullnetare në shtëpinë e kujdesit, për t'i plotësuar ëndrrën: "Pushime në det me Bikën dhe familjen e saj.Mirëpo, asgjë nuk mund të shkojë sipas planit të Arias, për shkak të Pineos harraq e të dhënë pas punës. Kësisoj, pushimet në det, befas, do të shndërrohen në një udhëtim të mrekullueshëm nëpër gjithë Shqipërinë. Tre fëmijët, Aria, Raini dhe Miloja bashkë me të rriturit do të vizitojnë qytete antike e vende historike pa lënë mënjanë dashurinë e Arias, bregun magjepsës të detit që nga Jugu gjer në Veri.Mes situatave plot humor e batuta, kredhjeve në detin kaltërosh, zbulimit të bukurive të vendit tonë, "Aria Në dorën time" është një letër dashurie për atdheun tonë të dashur.