"Djaloshi kishte trashëguar nga të dy prindërit muzikën; nga i ati kishte marrë, përveç mu-zikës, edhe një qëndrim të luhatur mes shpir-tit dhe instinktit, mes detyrës dhe shpengimit, ndërsa nga e ëma devotshmërinë për fetarinë, si dhe një prirje ndaj teologjisë dhe spekulimit. Në mënyrë të pavetëdijshme ai ndihej i lidhur fort me të atin, ngase prej tij kishte mësu-ar të vraponte në pyll dhe ta donte vetminë. Jeta e të atit kalonte e mbledhur nën hijen e nënës, çfarë e bënte atë të ishte, në njëfarë pike, mysafir në shtëpinë e vet, diçka që i biri e kishte ndier herë pas here dhe që ngjallte tek ai një dhembshuri, e cila i ngjasonte mëshirës. Por, në anën tjetër qëndronte nëna, qëndronte një botë e rregullit dhe e lutjeve dhe, pas saj, shtëpia e madhe kremtuese, kisha".