Shlieman, në librin me kujtime "Zbulimi i Trojës", tregon se, më 7 gusht 1868, kur shkoi për herë të parë për të filluar gërmimet në Trojë, u vendos në fshatin turk Bunarbashi, ku zgjodhi shtëpinë e një shqiptari për të bujtur. Edhe në hapat e para të tij drejt Trojës, ai ishte, së bashku me shoqëruesin shqiptar, kur pa dy burimet e famëshme, njeri i ngrohtë dhe tjetri i ftohë, për të cilët flet Homeri tek "Iliada".Kush e mundi Trojën? Dredhia/dinakëria e Odisesë apo dëshira e çmendur e trojanëve për të bashkuar dy bukuritë më të mëdha të botës së atëherëshme, Helenën dhe Paridin, që bëri ziliqar perënditë, të cilët e kthyen qytetin e artë vezullues në shkrumb e hi...Sipas Herodotit, perënditë janë xhelozë për privilegjet e tyre, prandaj njerëzit e vdekshëm, që ngrihen shumë lart, i ndëshkojnë, deri në rrënim të plotë. Kështu e pësuan trojanët, që i xhelozuan perënditë me pasuritë, mburrjet dhe aventurat e tyre të dashurisë..Njerëz, mos shkëlqeni dhe mos u mburrni shumë se mund ta pësoni si Troja, por do të mungojë bardi i verbër, Homeri, për të kënduar me lahutë «Iliadën» tuaj!Nuk ka dhe nuk do të ketë në botë një tjetër qytet, si Troja!