Libri i parë më i vlefshëm me reputacion ndërkombëtar i Gjergj Rrapit ishte Familja e madhe bashkëkohore në Kosovë që e botoi Instituti për Sociologji i Fakultetit Filozofik në Beograd në vitin 1995 dhe po i njëjti libër u botua edhe në gjuhën gjermane nga shtëpia botuese Böhlau Verlag në Vjenë të Austrisë në vitin 2003. Albanologu i njohur Robert Elsie për atë libër të botuar në gjermanisht shkruan: "Shumë është shkruar për familjen e zgjeruar si një strukturë shoqërore, e cila dikur është hasur në tërë Ballkanin. Në librin Familja e madhe në Kosovë Gjergj Rrapi ofron një studim lucid të fenomenit në Kosovë".