C'na qenka kjo organizatë famoze, ky klub i të fuqishmëve, gjersa qëllimi i gjithë pushtetmbajtësve qenka të vënë dorë mbi të? Ja shpjegimi: kjo dorë e zgjatur e pushtetit është një sistem që depërton në secilën pore të shoqërisë dhe udhëheq me jetët tona.Shërbimet sekrete në Serbi janë gjithçka: edhe pushtet, edhe opozitë, dhe qeveri, edhe parlament. Ato shkruajnë historinë, ato drejtojnë ekonominë, kulturën, mediat, sportin. Për shkak të tyre shtërzimet postkomuniste tranzicionale të lindjes në Ballkan po zgjasin dekada të tëra, edhe në sport, edhe në jetën e përditshme. Në hapësirat tona shërbimi e ka zëvendësuar drejtësinë me bordello politike. Në vend të shtetit juridik tani kemi shtetin mafioz.