"Elias Portolu" eksploron konfliktin midis dëshirës dhe detyrës, dashurisë dhe sakrificës, elemente që reflektojnë tema universale të gjendjes njerëzore Ky roman rrëfen dramën e thellë të Eliasit, i cili nuk dëshiron t'i bëjë keq dhe as të tradhtojë të vëllanë, Pietron. Eliasi përjeton vazhdimisht një trazim të brendshëm, teksa lëkundet mes dëshirës për të rënë në krahët e vajzës dhe vendimit për t'u bërë prift e për t'i shpëtuar tundimit.Në këtë histori, si në të gjitha romanet e Grazia Deleddës, del në pah pesimizmi i shkrimtares, poetika e së cilës është përqendruar te Sardenja e saj e dashur, mbi temat e së shenjtës dhe religjiozitetit, mbi fatin, mbi fajin, mbi dashurinë që shpesh sjell dhimbje dhe vdekje.