Retorika është e dobishme, edhe sepse, prej natyre, e vërteta dhe e drejta përmbajnë më tepër forcë sesa të kundërtat e tyre. (...) Le ta pranojmë se retorika është aftësia për të gjetur, në çdo çështje, argumentet që mund të bindin. Asnjë art tjetër nuk merret me këtë punë. Çdo art tjetër ushtron dhe dikton bindje në lidhje me objektin e veçantë me të cilin merret. Mjekësia, fjala vjen, për çështje të shëndetit dhe të sëmundjeve, gjeometria për cilësitë e madhësive, aritmetika për numrat dhe, kështu me radhë, gjithë artet e shkencat e tjera. Mirëpo, retorika duket se është e aftë të gjejë elementet që mund të bindin, për çdo çështje që na intereson.