Mehmet Shehu, ky ushtarak i lartë i Ushtrisë Popullore Shqiptare, hero i luftës së Spanjës dhe i luftës Antifashiste Nacional-Çlirimtare të popullit tonë, njohës i disa gjuhëve të huaja. Ishte një ushtarak i talentuar në fushën e Ushtrisë e të mbrojtjes së vendit. Në periudhën që ishte në krye të shtetit dhe ushtrisë shqiptare, tregoi aftësi të rralla teorike dhe praktike, që vinin nga përvoja luftarake që kishte në këtë fushë të lidhur ngushtë me cilësitë vetjake, siç ishin: zgjuarsia, guximi dhe trimëria, dashuria e madhe për vendin dhe krenaria shqiptare. Ai ishte i aftë të zgjidhte me sukses situata të vështira politiko-ushtarake në interes të mbrojtjes së vendit.