Libri është një observim i ngjarjeve politike në Shqipëri, por aty ka trajtesa edhe për probleme teorike të përgjithshme të politikës, për trajtimin e politikës si problem kulturor. Një pjesë e konsiderueshme autori ja kushton perceptimit të qartë të dimensionit qytetar të politikës, problematikës së standarteve të munguara të zgjedhjeve demokratike në Shqipëri. Doemos që në “skaner” kalojnë dhe analizohen sjelljet politike e personale të liderëve kryesorë historikë të politikës shqiptare, që kanë qenë protagonistë të dialektikës së ndërlikuar të zhvillimeve politike në Shqipëri.