"Gjatë çdo jete njerëzore do të ketë periudha pikëllimi. Kjo është pjesë e përvojës njerëzore. Të mësosh se si të jesh i pikëlluar është hapi i parë i natyrshëm për të qenë më të lumtur." (Meik Wiking, drejtor ekzekutiv i Happiness Research Institute)"Si të Jemi të Pikëlluar është një udhëzues prekës, argëtues dhe thellësisht praktik për ta naviguar më mirë një nga emocionet tona më të keqkuptuara njerëzore. Është një libër i domosdoshëm për këdo që synon ta përmirësojë lumturinë e vet duke u miqësuar me gamën e plotë të ndjenjave të tij." (Laurie Santos, profesoreshë e psikologjisë Chandrika and Ranjan në Universitetin e Yale dhe udhëheqëse e podkastit The Happiness Lab)Ekspertja e kërkimit të lumturisë e kombinon historinë e saj të fuqishme personale me hulumtime befasuese dhe këshilla ekspertësh për ta zbuluar sekretin e gjetjes së lumturisë: lejimin e pikëllimit që ta pasurojë jetën dhe marrëdhëniet tuaja.Helen Russell e ka hulumtuar pikëllimin nga brendësia gjatë gjithë jetës së saj. Kujtimi i saj më i hershëm është dita kur i vdiq motra. Prindërit e saj u divorcuan shpejt pas kësaj dhe nëna e saj nuk e mori ndihmën që i duhej për zimbajtje. Duke u përballur me trazirat e saj emocionale - përfshirë vështirësitë me imazhin e trupit dhe infertilitetin - ajo ka përballuar pengesa profesionale dhe personale, si dhe marrëdhënie që kanë shpërthyer në mënyra vërtet spektakolare. Edhe gjërat që ia sollën asaj gëzimin më të madh si fakti që u bë prind-janë të mbushura me sfida.Ndërsa ia kushtoi një karrierë të tërë shkrimit të librave mbi lumturinë, Helen zbuloi se sa janë njerëzit të tmerruar nga pikëllimi. Por rçelësi i lumturisë është jolumturia -duke ia lejuar vetes ta përjetojmë dhimbjen, ne mësojmë ta vlerësojmë dhe ta përqafojmë me të vërtetë gëzimin. Si të Jemi të Pikëlluar është një kujtim për të jetuarit me pikëllim, si dhe një manifestim optimist për ndryshim që na inkurajon t'i pranojmë dhe shprehim emocionet tona, të mira dhe të këqija. Duke e ndërthurur dëshminë personale të Helen me hulumtimet më të fundit mbi pikëllimin nga psikologë, gjenetistë, neuroshkencëtarë dhe historianë si dhe përvojat e shkrimtarëve, komikëve, atletëve dhe krijuesve të ndryshimeve nga e gjithë bota, ky udhëzuesjetësor dhe frymëzues e eksploron arsyen se pse ne pikëllohemi, çfarë na bën të ndihemi kështu dhe si mund të jetë pikëllimi një forcë për të mirë. I shkruar në kohë të duhur dhe thelbësor, libri "Si të Jemi të Pikëlluar ka të bëjë me atë se si mund të kujdesemi më mirë për veten dhe njëri-tjetrin, thjesht duke e përjetuar pikëllimin në mënyrë më të zgjuar.