Libri me tregime e rrëfenja Njeriu i mirë, ju kushtohet fëmijëve adoleshentë, nga mosha 10-16 vjeç. Në faqet e tij shpalosen momente të bukura të jetës fëmijërore, përshkrime të natyrës në stinë të ndryshme, si edhe dashuria që kanë fëmijët për njerëzit e kafshët shtëpiake. Veprimet dhe instinktet e kafshëve i lumturojnë fëmijët deri në atë masë, sa u duket sikur inteligjenca e tyre i vë në situata filmike. Ky libër, gjithashtu, sjell për fëmijët adoleshentë tregime, episode dhe ngjarje, që synojnë të edukojnë tek ata qëndrime kritike karshi gabimeve, sjelljeve negative, zakoneve e dukurive të përditshme frenuese për jetën e tyre. Episodet e ndryshme të këtyre tregimeve e rrëfenjave kanë si synim t'u japin fëmijëve informacion, por edhe episode nga jeta e atyre fëmijëve, që fati i tyre i keq i ka përballur me sfida të vështira, ashtu si te tregimi Djali i rritur para kohe.