Krijoni në çdo familje, katund e lagje, qelizat e veprimit kombëtar, duke filluar nga vetëvetja, tek njerëzit e afërt, tek njerëzit e mirë, që ende nuk kanë harruar dhe vazhdojnë të sakrifikojnë mbi amanetin e Rilindasve dhe Lidhjes Shqiptare të Prizrenit. Mos ngurroni, bëjeni këtë pa ua kërkuar askush, bëjeni duke menduar se mund të jeni të vetëm, bëjeni sepse kjo është e ardhmja e fëmijëve, nipërve e mbesave, të cilët nuk na kanë asnjë faj. Ata duhet të jetojnë në një Shqipëri ndryshe. Ne duhet të dimë ta mbrojmë Kombin dhe Shqipërinë, sepse Atdheu është jeta jonë, familja jonë, vendi ynë. Për mendësi arkaike dhe të betonuara, të mos thellojmë gabimet historike, duke u lenë fëmijëve tanë në shpinë plagë të hapura dhe barrë të madhe, që do t'u rëndojë atyre tërë jetën, në dobi të së drejtës në Paqe dhe Liri.