"Nuk ka shpirtra të këqij", - tha Shpirti i Shenjtë. - "Si mund të jetë i keq shpirti, dhe ç'do na duhej ne të krijonim shpirtra të këqij? Ka vetëm mendje të këqija njerëzore që vdesin bashkë me trupat e tyre. Nuk është aspak e nevojshme t'i dënosh ata më shumë nga sa janë dënuar në Tokë. Sa për shpirtrat, ja, shihi", shtoi duke treguar miliardat e shpirtrave që si flokë dëbore fluturonin të qeta në qiellin Hyjnor. - "Ata janë të gjithë si fëmijë të vegjël, të porsalindur, të bukur, të pafajshëm. Asnjë prej tyre nuk është i vetëdijshëm nëse ka qenë shpirti një murgu besimtar apo krimineli me nam, i një muzikanti të talentuar, apo i një sunduesi të pashpirt, i një nëne zemër- dhembshur apo i një njerku abuziv. Ata janë të gjithë njëlloj, shpirtra të pafajshëm, po aq të vetëdijshëm për ekzistencën e tyre so edhe pupla e një pëllumbi që vërtitet pa qëllim në sjer.