Qëllimi kryesor i përgatitjes së këtij libri është thjeshtësimi i mësimit të gjuhës turke dhe gjuhës shqipe për të huajt, ashtu si dhe përdorimi praktik i këtyre gjuhëve. Ky libër do t'ju vijë në ndihmë në situata të ndryshme, teksa bëni detyrat apo projektet tuaja, gjatë shëtitjeve dhe udhëtimeve apo dhe nëse vendosni të mësoni njërën nga këto gjuhë për herë të parë. Për të mësuar fjalët si dhe fjalitë themelore të ligjëratës që ndiqen në përgatitjen e fjalorit më shpejt dhe me lehtësi, është bërë një grupim dhe janë dhënë një sasi e mjaftueshme e fjalëve aktuale. Ky botim përbëhet nga gjashtë kapituj. Një nga pjesët më të rëndësishme të librit është fjalori Turqisht-Shqip ku gjenden përafërsisht 20,000 fjalë të të gjitha niveleve të përdorura në jetën e përditshme. Përveç kësaj, fjalët turke jepen së bashku me sinonimet e tyre, për të pasuruar fondin tuaj leksikologjik. Pjesët e tjera përmbajnë tema dhe çështje themelore për mësimin e një gjuhe, siç janë bazat gramatikore të të dyja gjuhëve, të shpjeguara në mënyrë të thjeshtësuar shoqëruar me alfabetet përkatëse, fjali të plota si dhe fjalë me tema të ndryshme, të cilat përdoren më së shumti në jetën e përditshme, por edhe shumë fjalë të tjera që i takojnë situatave të larmishme. Gjithashtu në të përfshihen tema të ndryshme gjuhësore, rreth 2000 folje, përafërsisht 1500 fjalë të përbashkëta midis shqipes dhe turqishtes, rreth 2000 fjalë me kuptime të kundërta ose antonime dhe një grup fjalësh të urta.