Nga koha e Naimit në kohën tonë ka rrjedhur shumë ujë, kanë ndryshuar sistemet politike e kodet morale, por ai ka mbetur përjetësisht apostulli dhe ndërgjegja e kombit, referenca morale e palëkundshme e tij; kanë rënë e janë ngritur sisteme vlerash e antivlerash, por Ai ka mbetur përjetësisht Poeti Kombëtar; arën e shqipes në këtë mëse një shekull e kanë lëruar mbjellës të tjerë, por fara që mbolli Ai ka hed hur rrënjë të thella dhe Ai ka mbetur bilbili dhe shpirti i shqipes së sotme moderne; disa bre za në këtë truall kanë shkuar nga jeta, por Ai mbetet përjetësisht i gjallë; Ai është Shqipëria. Jorgo BULO.