“Për shkak të këmbënguljes që unë kam treguar për të krijuar në Shqipëri një rrymë të favorshme ndaj Austrisë, unë jam i vetmi njeri i vendit tim që e kam mbrojtur këtë politikë me një çiltërsi bindëse” Faik Konica për Baronin Julius Zwiedinek “Kauza e mirë së cilës ju po i shërbeni do fitojë ndaj tërë intrigave dhe populli shqiptar, i cili, siç e thoni edhe ju vetë, është jashtëzakonisht i mirë, do t’ju jetë një ditë mirënjohës për devotshmërinë me të cilën ju po i përkushtoheni” Baroni Julius Zwiedinek për Faik Konicën Epistolari përfshin periudhën 1897-1912 dhe përmban 145 letra, nga të cilat 89 letra e shënime janë të Faik Konicës, 55 letra janë të Baronit Zwiedinek (ose në emër të tij) dhe l letër e Dervish Himës për Faik Konicën (Letra 13). Përfshihen po ashtu të panumerizuara, si pjesë përbërëse e korrespondencës së Konicës, edhe dy letra, njëra e Visarion Dodanit dhe tjetra e Ismail Qemalit.