Bota shqiptare e Branko Merxhanit - Një libër i shkruar në kohën e karantinës së pandemisë Ndriçim Kulla Me personalitetin e Branko Merxhanit jam njohur që në kohën e komunizmit, përafërsisht në mesin e viteve 1980.Unë në atë kohë kryeja "dënimin" në minierën e Valiasit në Tiranë duke nxjerrur qymirguri, nga ku në ritualin e jetës time të përditshme , sapo mbaroja turnin e punës i hypja autobuzit menjëherë dhe shkoja në Bibliotekën Kombëtare për të bërë "turnin tjetër" tetëorësh të studimit.I "skllavëruar" me këtë mënyrë jetese; tetë orëshin e gjumit ,të studimit dhe të punës së vështirë në minierë kalova shumë nga vitet e pasioneve të rinisë time për të mësuar diçka më shumë dhe të dilja përtej perdes nga ajo çfarë na servirte propaganda e regjimit komuniste.