Jorgaq Perika lindi në Tiranë. Ka kryer shkollën e lartë të Ministrisë së Punëve të Brendshme, ku më vonë ka punuar si inspektor në atë dikaster. Aktualisht është në pension. Pasioni i tij i hershëm ka qenë libri, si një lexues i rregullt dhe me një bibliotekë personale të larmishme. Nga vitet 1980-2000 ka botuar në shtypin e kohës në rubrikën “Për kohën e lirë” materiale me përmbajtje zbavitëse. Prej vitit 2010 ka botuar proza, në zhanrin e letërsisë argëtuese, duke nxjerrë në treg librat: “1111 anekdota”, “555 kuriozitete”, “444 aforizma” e “777 gazmore”. Duhet përmendur gjithashtu se në shtypin e ditës ka dhënë opinione për problemet e të folurit të përditshëm të gjuhës shqipe, si dhe për tekstet e këngëve shqiptare.